9500 பணியாளர்களை நீக்கும் ஓபல்!

Published: Thursday, November 26, 2009, 17:04 [IST]

பெர்லின்: தனது ஐரோப்பிய பிரிவான ஓபல் நிறுவனத்தின் அனைத்துக் கிளைகளையும் தாங்களே தொடர்ந்து நடத்தப் போவதாகவும், ஆனால் இந்த ஆண்டு மட்டும் 9500 பணியாளர்களை நீக்க வேண்டிய கட்டாயம் ஏற்பட்டுள்ளதாகவும் அமெரிக்காவின் நம்பர் ஒன் கார் மேக்கரான ஜிஎம் நிறுவனம் அறிவித்துள்ளது.

இந்த பணியாளர்கள் நீக்கப்பட்டால் மட்டுமே நிறுவனத்தை மீண்டும் லாபத்தில் இயங்க வைக்க முடியும் என்றும் ஜிஎம் தெரிவித்துள்ளது.

ஜிஎம் நிறுவனத்தின் ஐரோப்பிய பிரிவுத் தலைவர் நிக் ரெலி இது பற்றிக் கூறுகையில், "ஜெர்மனியில் இயங்கும் ஓபல் கிளை தொடர்ந்து செயல்படும். ஓபல் நிறுவனத்தின் மிக முக்கிய ஆதாரம் இந்த பிளாண்ட்..." என்றார்.

சமீபத்தில்தான் ஜிஎம் நிறுவனம் தனது ஐரோப்பிய தலைமை அலுவலகத்தை ஜூரிச் நகரிலிருந்து ரஸ்ஸல்ஹெய்முக்கு மாற்றியது குறிப்பிடத்தக்கது.