அறிமுகம் ஆகாமலே இதுவரை 38,000 ஸ்விப்ட் கார்கள் புக்கிங்

புதிய ஸ்விப்ட் காரின் வசதிகள் மற்றும் விலை உள்ளிட்ட எந்த விபரங்களையும் மாருதி இதுவரை வெளியிடாத நிலையில், புதிய ஸ்விப்ட் காரை வாடிக்கையாளர்கள் கண்ணைமூடிக்கொண்டு புக்கிங் செய்து வருகின்றனர்.

டெல்லியை சேர்ந்த ஒரே ஒரு டீலர் மட்டும் 2,000 ஸ்விப்ட் கார்களை புக்கிங் செய்துள்ளார் என்றால் பார்த்துக்கொள்ளுங்கள்.

புதிய ஸ்விப்ட் வரவையொட்டி, கடந்த மாதமே பழைய ஸ்விப்ட் காரின் உற்பத்தியை மாருதி நிறுத்திவிட்டது. அதேவேளை, தனது மானேசர் தொழிற்சாலையில் புதிய ஸ்விப்ட் காரின் உற்பத்தியை மாருதி துவங்கிவிட்டது.

இதனால், புதிய ஸ்விப்ட் அறிமுகம் செய்தவுடன் டீலர்களில் டெலிவிரியும் துவங்கும் என கருதப்படுகிறது. மேலும், புதிய ஸ்விப்ட் காருக்கான காத்திருப்பு காலமும்(வெயிட்டிங் பீரியட்)வாடிக்கையாளர்கள் முகம் சுழிக்க வைக்காத அளவுக்கு இருக்கும் என்று மாருதி டீலர் வட்டார தகவல்கள் தெரிவிக்கின்றன.