ஜூனில் வோக்ஸ்வேகன் கார் விற்பனை 166% உயர்வு

கடந்த மாதம் அந்த நிறுவனம் 5,397 கார்களை விற்பனை செய்துள்ளது. கடந்த ஆண்டு ஜூன் விற்பனையுடன் ஒப்பிடும்போது (2,032 கார்கள்) இது 166 சதவீதம் கூடுதலாகும்.

போலோ மற்றும் வென்ட்டோ கார்கள் வோக்ஸ்வேகனின் விற்பனை வளர்ச்சிக்கு பக்கபலமாக இருக்கிறது.

தவிர, ஜூனில் 197 பஸாத் கார்களையும் அந்த நிறுவனம் விற்பனை செய்துள்ளது.

வோக்ஸ்வேகன் விற்பனைப் பிரிவு இயக்குனர் நீரஜ் கார்க் கூறுகையில்," வட்டி விகிதம் அதிகரிப்பு, பெட்ரோல் விலை உயர்வு போன்ற காரணங்களால் கடந்த மாதம் கார் விற்பனை மந்தமாக இருந்தது.

இருப்பினும், நாங்கள் குறிப்பிடத்தக்க வளர்ச்சியை பெற்றுள்ளது மகிழ்ச்சி தருகிறது," என்றார்.