ஏப்ரலில் உள்நாட்டு கார், பைக் விற்பனை கிடுகிடு உயர்வு

இதுகுறித்து சியாம் அமைப்பு வெளியிட்டுள்ள அறிக்கையில் கூறியிருப்பதாவது:

"கடந்த ஏப்ரலில் உள்நாட்டு சந்தையில் 1,62,825 கார்கள் விற்பனை செய்யப்பட்டுள்ளன. அதேவேளை, கடந்த ஆண்டு ஏப்ரலில் 1,43,862 கார்கள் மட்டுமே விற்பனையாகி இருந்தது. இதை ஒப்பிடுகையில், உள்நாட்டு கார் விற்பனை 13.18 சதவீதம் வளர்ச்சி கண்டுள்ளது.

இதேபோன்று, பைக் விற்பனையும் நல்ல வளர்ச்சி கண்டுள்ளது. கடந்த மாதம் 8,09,565 பைக்குகள் விற்பனையாகி உள்ளது. கடந்த ஆண்டு ஏப்ரலில் 6,56,096 பைக்குகள் மட்டுமே விற்பனை செய்யப்பட்டது. இதை ஒப்பிடும்போது, உள்நாட்டு விற்பனை கடந்த ஏப்ரலில் 23.38 சதவீதம் உயர்ந்துள்ளது.

கடந்த மாதம் வாகனங்களின் ஒட்டுமொத்த விற்பனை 22.80 சதவீதம் உயர்ந்தது. இதில், சரக்கு வாகனங்களின் விற்பனை 8.22 சதவீதம் உயர்ந்தது," என்று தெரிவிக்கப்பட்டுள்ளது.