இந்தியாவில் 20 புக்கிங்கை அள்ளிய ரூ.1.1 கோடி பென்ஸ் ஜீப்

சரி, அப்படி என்னதான் இருக்கு இந்த ஜீப்புக்குள் எட்டி பார்த்தால் கண்ணுக்கு எட்டிய தூரம் வரை குறிப்பிடும்படியாக(உருப்படியாக) ஒன்றுமே தெரியவில்லை.
கியர் லிவர் கூட கடந்த 1970களில் ஜெர்மனி ராணுவத்தில் பயன்படுத்தப்பட்ட ஜீப்புகளில் உள்ளதுபோன்றே பழமையான வடிவமைப்பை கொண்டுள்ளது. சொகுசு, பாதுகாப்பு என நவீன தொழில்நுட்ப வசதிகள் ஏராளமாக இருக்கும் என்று பார்த்தால் அதிலும் ஏமாற்றம்தான்.
ஆனால், இதன் எஞ்சின் மட்டும் சூப்பர் என்று கூறலாம். இந்த ஜீப்பில் பொருத்தப்பட்டுள்ள வி-8 எஞ்சின் 503 பிஎச்பி ஆற்றலை அள்ளி இறைக்கும் திறன் கொண்டது. மேலும், இது ஆப்ரோடு சாகசங்களில் அனாயசமாக செல்லும் வகையில் பாடி பில்டிங் செய்யப்பட்டுள்ளது.
கடந்த 35 ஆண்டுகளாக மார்க்கெட்டில் தாக்குப்பிடித்து அதே வடிவமைப்புடன் வரும் இந்த ஜீப்புக்கு இந்தியாவில் மெர்சிடிஸ் நிறுவனமே எதிர்பார்க்காத வரவேற்பு. இதுவரை 20 ஜி-கிளாஸ் ஜீப்புகள் இந்தியாவில் புக்கிங் செய்யப்பட்டுள்ளதாக பென்ஸ் காலரை தூக்கிவிட்டுக்கொள்கிறது.


Click it and Unblock the Notifications








