கார் புதிய தொழில்நுட்பங்கள் ஒரு பார்வை (பகுதி-2)

காரின் டேஷ்போர்டில் பொருத்தப்பட்டடிருக்கும் சிறிய திரையின் மூலமாகவோ அல்லது ஒலிபெருக்கி மூலமாகவோ நமக்கு செல்ல வேண்டிய பாதையை நேவிகேஷன் கருவி நமக்கு தெரிவிக்கும். மேலும், வழியில் உள்ள ஓட்டல்கள் மற்றும் பொழுதுபோக்கு பூங்காக்கள் உள்ளிட்ட பல தகவல்களையும் நேவிகேஷன் சிஸ்டம் மூலம் தெரிந்துகொள்ள முடியும்.

கர்ட்டெயின் ஏர்பேக்ஸ்:

கார் விபத்துக்குள்ளானால், காரில் இருப்பவர்களை பாதுகாக்கும், உயிர்காக்கும் காற்றுப்பைகளே கர்ட்டெயின் ஏர்பேக்ஸ் என்று கூறப்படுகிறது. காரின் டேஷ்போர்டு, பின் இருக்கை மற்றும் கதவுகளில் ஏர்பேக்ஸ் பொருத்தப்பட்டிருக்கும்.

ஒருவேளை, கார் விபத்தில் சிக்க நேர்ந்தால், கண்மூடி கண் திறக்கும் நேரத்திற்குள் காற்றுப் பைகள் விரிந்து காருக்குள் இருப்பவர்களை பாதுகாக்கும். தலையில் காயம் ஏற்படுவதை தடுக்கும் நோக்கில் காற்றுப் பைகள் பொருத்தப்படுகின்றன.

ரன் பிளாட் டயர்ஸ்:

பஞ்சரானாலும் ரன் பிளாட் டயர்கள் பொருத்தப்பட்ட கார்களை 50 கி.மீ., வேகத்தில் 50 முதல் 60 கி.மீ., தூரம் வரை தொடர்ந்து ஓட்டி செல்லலாம். வி.வி.ஐ.பி.,க்கள் பயன்படுத்தும் கார்களில் பாதுகாப்பு காரணங்களுக்காக ரன் பிளாட் டயர்கள் பொருத்தப்படுகின்றன.

(தொடரும்)..

கார் ஏ.பி.சி.டி., பகுதி-1