ரூ.5 லட்சத்திற்குள் 3 புதிய கார்களை அறிமுகப்படுத்த நிசான் திட்டம்

மாருதி ஏ-ஸ்டார், வேகன்ஆர், ஹூண்டாய் ஐ-10 மற்றும் செவர்லே பீட் கார்களுக்கு போட்டியை கொடுக்கும் விதத்தில் 2013-14 இடைப்பட்ட காலத்தில் அறிமுகப்படுத்த நிசான் முடிவு செய்துள்ளது. இந்த கார்ரூ.3 லட்சம் முதல் ரூ.4 லட்சம் விலையில் வரும் என்று நிசான் வட்டார தகவல்கள் தெரிவிக்கின்றன.

இதேபோன்று, ரூ.2 லட்சம் முதல் ரூ.3 லட்சம் விலையில் ஒரு குட்டிக்காரை அறிமுகப்படுத்த நிசான் திட்டமிட்டுள்ளது. இந்த கார் செவர்லே ஸ்பார்க், ஆல்ட்டோ கார்களுக்கு போட்டியாக இருக்கும். இந்த கார் தற்போது ஹிந்துஜா குழுமத்தின்(அசோக் லேலண்ட்) வாகன வடிவமைப்பு மையத்தில் வடிவமைக்கப்பட்டு வருகிறது.

இதுதொடர்பாக, நிசான் மோட்டார்ஸ் கார்ப்பரேட் துணைத்தலைவர் கில்லிஸ் நார்மண்ட் கூறுகையில்,"இந்திய சந்தையில் கடும் போட்டியை கொடுக்கும் கார் மாடல்களை அறிமுகப்படுத்த திட்டமிட்டுள்ளோம்.

ரூ.1.5 லட்சம் முதல் ரூ.4 லட்சம் வரை கொண்ட பிரிவுகளில் புதிய கார்களை அறிமுகப்படுத்துவதற்கான வாய்ப்புகள் உள்ளன. சிறிய கார்களை வடிவமைப்பதற்காக புதிய நிறுவனங்களின் ஒத்துழைப்பை வரவேற்கிறோம்," என்றார்.