வரும் பண்டிகை காலத்தில் குட்டிக்கார் அறிமுகம்:மாருதி திட்டம்

குட்டிக்கார் ரகத்தில் மாருதி களமிறக்க உள்ள செர்வோ அதிக எதிர்பார்ப்பை ஏற்படுத்தியுள்ளது. டாடா நானோ மற்றும் ஹூண்டாய் தயாரித்து வரும் குட்டிக்காருக்கு போட்டியாக வரவுள்ள மாருதி குட்டிக்கார் தற்போது இறுதிகட்ட சோதனையில் உள்ளது.

எனவே, இந்த கார் விரைவில் அறிமுகப்படுத்தப்படலாம் என தெரிகிறது. ரூ.2 லட்சத்திற்குள் செர்வோவை அறிமுகப்படுத்த மாருதி திட்டமிட்டுள்ளதால், இந்த கார் இந்திய சந்தையில் புயலை கிளப்பும் என ஆட்டோவியலாளர்கள் ஆருடம் கூறுகின்றனர்.

சந்தையில் கோலோய்ச்சிய மாருதி 800 காரின் எஞ்சினை செர்வோவில் பொருத்தியுள்ளதாக மாருதி வட்டாரங்கள் தெரிவிக்கின்றன. பவர் ஸ்டீயரிங், பவர் வின்டோஸ் மற்றும் லெதர் இருக்கைகள் என அசத்தலான அம்சங்களுடன் செர்வோ வர இருப்பதால் சந்தையில் அனைத்து கார் விற்பனையிலும் செர்வோ பாதிப்பை ஏற்படுத்தும் என கருதலாம்.