புதிதாக 2 கான்செப்ட் மாடல் கார்கள்: பிஎம்டபிள்யூ அறிமுகம்

புதிய ஐ-3 கான்செப்ட் மாடல் நகர்ப்புறங்களில் ஓட்டுவதற்கு ஏற்ற வடிவமைப்பை பெற்றிருக்கும். இது பேட்டரியில் இயங்கும் எலக்ட்ரிக் காராக இருக்கும். அடுத்து ஐ-8 கான்செப்ட் மாடல் கார். இது அதிக திறன் கொண்ட ஹைபிரிட் ஸ்போர்ட்ஸ் காராக இருக்கும் என்று தெரிவிக்கப்பட்டுள்ளது.

இரண்டு கார்களும் கவர்ச்சியாகவும், இலகு எடையுடன் இருக்கும் வகையில் விஷேச கண்ணாடிகள் மற்றும் ஃபைபர் கிளாஸ் கொண்டு வடிவமைக்கப்பட்டுள்ளதாக பிஎம்டபிள்யூ தெரிவித்துள்ளது. இதில், ஐ-3 கான்செப்ட் மாடல் வரும் 2013ம் ஆண்டில் உற்பத்தி துவங்கப்பட உள்ளது.

இதைத்தொடர்ந்து, ஐ-8 ஸ்போர்ட்ஸ் கார் உற்பத்தி துவங்கப்பட உள்ளதாக பிஎம்டபிள்யூ வட்டாரத் தகவல்கள் தெரிவிக்கின்றன. நியூயார்க் ஆட்டோ ஷோவில் காட்சிக்கு வைக்கப்பட்டிருந்த கார்களை பார்த்தவர்கள் கார் அதிக டிரான்ஸ்பரன்ட்டாக இருப்பதாக கருத்து தெரிவித்தனர்.

இதுகுறித்து காரின் வெளிப்புறத்தை வடிவமைத்த ரிச்சர்டு கிம் கூறுகையில்,"கான்செப்ட் மாடலில் இருக்கும் அளவுக்கு கண்ணாடிகள் வர்த்தக ரீதியில் தயாரிக்கப்படும் மாடலில் இருக்காது," என்று கூறினார்.