4 மாதங்களுக்கு கார் விற்பனை உயர்வு; பைக் விற்பனையும் அமோகம்

கார் கடன் வட்டி உயர்வு, பெட்ரோல் விலை உயர்வு உள்ளிட்ட காரணங்களால் கார் விற்பனை கடந்த சில மாதங்களாக எதிர்பாராத அளவுக்கு சரிவை கண்டது. ஆனால், பைக் விற்பனை தொடர்ந்து வளர்ச்சி பாதையில் சென்று கொண்டிருக்கிறது.

இந்த நிலையில், பண்டிகை காலத்தையொட்டி புதிய கார் மாடல்களை பல முன்னணி நிறுவனங்கள் அறிமுகம் செய்தன. ஹூண்டாய் இயான், மஹிந்திரா எக்ஸ்யூவி500, இதனால், கடந்த மாதம் கார் விற்பனை அதிகரித்துள்ளது.

இதுகுறி்த்து இந்திய ஆட்டோமொபைல் உற்பத்தியாளர் கூட்டமைப்பு வெளியிட்டுள்ள அறி்க்கையில் கூறியிருப்பதாவது:

"கடந்த மாதம் உள்நாட்டில் மொத்தம் 1,71,131 கார்கள் விற்பனையாகியுள்ளது. இது கடந்த ஆண்டை ஒப்பிடுகையில், (1,59,939 கார்கள்) விற்பனை 7 சதவீதம் உயர்ந்துள்ளது.

இதேபோன்று, மொத்த இருசக்கர வாகன விற்பனை 25 சதவீதம் வளர்ச்சி கண்டுள்ளது. இதில், பைக் விற்பனை மட்டும் 22.67 சதவீதம் வளர்ந்துள்ளது. கடந்த மாதம் மொத்தம் 11,63,294 இருசக்கர வாகனங்கள் விற்பனை செய்யப்பட்டுள்ளது," என்று தெரிவிக்கப்பட்டுள்ளது.