கார்களுக்கு கஸ்டமைசேஷன் வசதியை வழங்கும் மஹிந்திரா

கார்களை கஸ்டமைசேஷன் செய்து தருவதில் பல நிறுவனங்கள் ஈடுபட்டுள்ளன. ஆனால், இந்த சேவையை வழங்கும் முதல் கார் உற்பத்தியாளர் மஹிந்திரா என்பது குறிப்பிடத்தக்கது.

காரை வாங்கியவுடன் அதை தங்களது விருப்பத்திற்கேற்ப புதிய வண்ணங்களின் கலவையிலும், கூடுதல் விளக்குகள் மற்றும் காரின் உட்புறத்தில் அதிக வசதிகளுடன் மாற்றித்தருவதுதான் கார் கஸ்டமைசேஷன்.

இதன மூலம் காரின் வெளிப்புறத் தோற்றம் வெகுவாக கவரும் வகையில் இருக்கும். இந்த சேவையை தனது வாடிக்கையாளர்களுக்கு மஹிந்திரா வழங்குகிறது.

வெளிப்புறம் மற்றும் உட்புறத்திலும் தாங்கள் நினைக்கும் அம்சங்களையும், வசதிகளையும் வாடிக்கையாளர்கள் கேட்டு பெற்றுக் கொள்ளலாம் என்று மஹிந்திரா கஸ்டமைசேஷன் இணையதள பக்கத்தில் குறிப்பிடப்பட்டுள்ளது.