இயோன் மூலம் மாருதி-800 இடத்தை பிடிக்க ஹூண்டாய் திட்டம்

இந்த நிலையில், புதிய 800 சிசி காரை மாருதி அறிமுகப்படு்த்துதற்கு முன்பாகவே தனது புதிய 800 சிசி காரான இயோனை அறிமுகப்படுத்த ஹூண்டாய் மோட்டார்ஸ் திட்டமிட்டுள்ளது. இதன்மூலம், மாருதி-800 கார் விட்டுச்செல்லும் மிக்பபெரிய வெற்றிடத்தை இயோன் மூலம் நிரப்பவும் ஹூண்டாய் திட்டம் போட்டு வைத்துள்ளது.

இதுகுறித்து ஹூண்டாய் மோட்டார்ஸ் துணைத் தலைவர் ஆர்.சேதுராமன் கூறியதாவது," டாடா நானோ காருக்கும், மாருதி ஆல்ட்டோவுக்கும் இடையிலான வெற்றிடத்தை எங்களது புதிய 800சிசி கார் நிரப்பும். சந்தையில் புதிய 800 சிசி கார் மிகப்பெரிய வரவேற்பை பெறும் என்பது உறுதி. புதிய கார் பெட்ரோல் மற்றும் எல்பிஜி மாடலில் அறிமுகப்படுத்த திட்டமிட்டுள்ளோம்," என்றார்.

இயோன் என்று பெயரில் ஹூண்டாய் அறிமுகம் செய்ய உள்ள இந்த கார் வரும் டிசம்பருக்குள் அறிமுகம் செய்யவும் ஹூண்டாய் திட்டமிட்டுள்ளதாகவும் தகவல்கள் தெரிவிக்கின்றன. ஹைவேரியண்ட் ஹேட்ச்பேக் கார்களில் உள்ள சிறப்பம்சங்கள் மற்றும் வசதிகளுடன் இந்த கார் வர இருப்பதாகவும் தகவல்கள் தெரிவிக்கின்றன.