மெர்சிடிஸ் பென்சின் இரண்டு புதிய கார்கள் அறிமுகம்

ஸ்போர்ட்ஸ் கார் ரகத்தில் வந்துள்ள எஸ்எல் 350யில் 3498 சிசி திறன்கெண்ட வி6 எஞ்சின் பொருத்தப்பட்டுள்ளது. 315 பிஎச்பி திறனை வெளிப்படுத்தும் ஆற்றல்கொண்ட, இந்த எஞ்சின் 360என்எம் டார்க்கை கொடுக்கிறது.

இதேபோன்று , ஜிஎல் 500 எஸ்யூவீ காரில் 5.4 லிட்டர் எஞ்சின் பொருத்தப்பட்டுள்ளது. 388 பிஎச்பி திறனை வெளிப்படுத்தும் ஆற்றல் வாய்ந்த காரில் 7 ஸ்பீடு ஆட்டோமேட்டிக் டிரான்ஸ்மிஷனுடன் வந்துள்ளது.

புதிய கார்களை அறிமுகம் செய்துவைத்து பேசிய பென்ஸ் சி.இ.ஓ. பீட்டர் ஹோனேக் கூறியதாவது:

"பிரிமியம் கார் விரும்பிகளை புதிய மாடல்கள் வெகுவாக கவரும். அடுத்த நான்கு ஆண்டுகளுக்குள் குறைந்த விலை கொண்ட ஏ மற்றும் பி ரக கார்கள் அறிமுகப்படுத்தப்படும். எங்களது சிறிய கார்கள் சந்தையில் கடும் போட்டியை ஏற்படுத்தும் என்பதில் ஐயமில்லை.

மேலும், சிறிய கார்கள் மூலம் இந்திய சந்தையில் குறிப்பிட்ட இடத்தை தக்கவைக்க முடியும் என்று கருதுகிறோம். ஏ சீரிஸ் கான்செப்ட் கார் மாடல் வரும் ஆண்டு டெல்லியில் நடைபெறும் ஆட்டோ ஷோவில் இடம்பெறும்," என்றார்.

எஸ்எல் ஸ்போர்ட்ஸ் கார் டெல்லியில் ரூ.98.5 லட்சம் எக்ஸ்ஷோரூம் விலையிலும், ஜிஎல் 500 எஸ்.யூ.வீ. கார் ரூ.80.9 லட்சம் எக்ஸ்ஷோரூம் விலையிலும் அறிமுகம் செய்யப்பட்டுள்ளது.