புதிய எஸ்யூவி காரை விரைவில் களமிறக்குகிறது மஹிந்திரா

டபிள்யூ-201 என்ற பெயரில் தயாரிக்கப்பட்டுள்ள இந்த புதிய எஸ்யூவி கார் வடிவமைப்பில் 100/100 மார்க் வாங்கும் என ஆட்டோ நிபுணர்கள் அடித்து கூறுகின்றனர்.

ஸ்வெப்ட் லேம்ப் ஹெட்லைட் வடிவமைப்பு, மிடுக்கு தோற்றத்தை தரும் முன்பக்க கிரில் என அனைத்திலும் புதிய எஸ்யூவி கார் மஹிந்திராவின் பெயரை மேலும் ஒருபடி உயர்த்தும் என தெரிகிறது.

பேனட்டிலிருந்து முகப்பு கண்ணாடியையும் கூரையையும் சேர்த்து டேப்பர் அடித்ததுபோன்ற வடிவமைப்பை பெற்றுள்ளதால் சீறும் சிறுத்தை போன்று இருக்கும்.

டிரான்ஸ்ஆக்ஸில் கொண்ட 2.2 லிட்டர் ஹாக் எஞ்சினுடன் வரும் இந்த புதிய எஸ்யூவி வேகத்தில் விவேகத்தை காட்டும் என்று தகவல்கள் தெரிவிக்கின்றன.

6 ஸ்பீடு கேபிள் ஆப்பரேட்டிங் கியர்பாக்ஸ் கொண்ட டபிள்யூ-201 எஸ்யூவி டிரைவிங்கில் புதிய பரவசத்தை கொடுக்கும்.

120 முதல் 140 பிஎச்பி ஆற்றலை வெளிப்படுத்தும் திறன் கொண்ட ட்வின்டர்போ எஞ்சினை எதிர்காலத்தில் 179 பிஎச்பி திறன் கொண்ட எஞ்சினாக மாற்ற மஹிந்திரா திட்டமிட்டுள்ளது.

மலைபாங்கான சாலைகளில் செல்வதற்கு ஏதுவாக டிசென்ட் கன்ட்ரோல், சிறப்பு ட்ராக்ஷன் கன்ட்ரோல் தொழில்நுட்பங்களை இந்த புதிய எஸ்யூவி கொண்டிருக்கும்.

ரூ.13 லட்சம் முதல் ரூ.14 லட்சம் விலையில் இந்த புதிய எஸ்யூவி மார்க்கெட்டில் களமிறக்கப்படும் என்று எதிர்பார்க்கப்படுகிறது.