புதிய சூப்பர் சொகுசு எஸ்யூவி கான்செப்ட் மாடல்: மஸராட்டி அறிமுகம்

பொதுவாக எஸ்யூவி கார் தயாரிக்கும் நிறுவனங்கள் கரடுமுரடான சாலைகள் உள்பட எந்தவொரு சாலை நிலைகளிலும் சிறப்பாக செல்லும் வசதிகளுடன் வடிவமைப்பது வழக்கம். ஆனால், மஸராட்டி தனக்கே உரிய சொகுசு தொழில்நுட்பத்தின் சாரம்சமாக புதிய குபாங் எஸ்யூவியை வடிவமைத்துள்ளது.

பிராங்க்பர்ட் ஷோவில் வைக்கப்பட்டிருந்த எஸ்யூவி கார்களிலேயே மஸராட்டியின் குபாங் குறித்துதான் அதிகம் பேசப்பட்டது. வரும் 2013ம் ஆண்டு முதல் இந்த எஸ்யூவியின் உற்பத்தியை துவங்க மஸராட்டி திட்டமிட்டுள்ளதாக தகவல்கள் தெரிவி்க்கின்றன.

ஸ்டைல், சொகுசு, என அனைத்து விதத்திலும் புதிய குபாங் எஸ்யூவி மஸராட்டியின் தொழில்நுட்ப வலிமையை பரைசாற்றும் விதத்தில் இருக்கிறது குபாங் எஸ்யூவி. இதன் வடிவமைப்பு சாலையில் செல்லும்போது நிச்சயம் அனைவரின் கவனத்தையும் சுலபமாக இழுக்கும் மாயசக்திகொண்டதாக இருக்கும் என்பது மட்டும் உறுதி.