கடந்த மாதம் 10,000 ஐ கடந்த நானோ கார் விற்பனை:உற்சாகத்தில் டாடா

கடந்த மாதம் 100,12 நானோ கார்களை விற்பனை செய்துள்ளது டாடா மோட்டார்ஸ். இது கடந்த ஆண்டு ஏப்ரலை ஒப்பிடும்போது விற்பனை 184 சதவீதம் அதிகரித்துள்ளது. கடந்த மார்ச் மாத விற்பனையைவிட, ஏப்ரலில் 1,305 நானோ கார்கள் கூடுதலாக விற்பனையாகியுள்ளது.

தீப்பிடித்தல், திடீர் விலை உயர்வு ஆகிய காரணங்களால் துவண்டுபோயிருந்த நானோ விற்பனை, மீண்டும் சூடுபிடித்துள்ளதால், டாடா மோட்டார்ஸ் உற்சாகமடைந்துள்ளது. இதேபோன்று, டாடா மோட்டார்ஸ் நிறுவனத்தின் மொத்த விற்பனையும் 13 சதவீதம் அதிகரித்துள்ளது.

கடந்த மாதம் மொத்தமாக 64,383 வாகனங்களை விற்பனை செய்துள்ளது டாடா. அதேவேளை, இண்டிகா வரிசை கார்களின் விற்பனை மந்தமாக இருந்ததாக டாடா மோட்டார்ஸ் நேற்று வெளியிட்ட அறிக்கையில் கூறப்பட்டுள்ளது.