நேபாளம்: பத்து நாளில் 352 நானோ புக்கிங்!

இந்தியாவில் டாடா மோட்டார்ஸ் தயாரிக்கும் நானோ கார்கள் இந்திய சந்தை தவிர, இலங்கையில் மட்டுமே விற்பனையாகி வருகின்றன.

இந்த நிலையில், அடுத்து நேபாளத்திலும் நானோவை அறிமுகப்படுத்தியுள்ளது டாடா.

அங்கே ஒரு நானோவின் விலை நேபாள ரூபாயில் ரூ 7.98 லட்சம் (இந்திய மதிப்பு ரூ 5 லட்சம்) என நிர்ணயிக்கப்பட்டுள்ளது.

எல்எக்ஸ், சிஎக்ஸ் ஆகிய இரு மாடல்களும் நேபாளத்தில் விற்பனைக்கு அனுப்பப்படுகின்றன. பத்தாயிரம் ரூபாய் கட்டி நானோவை புக் செய்யலாம்.

இதுவரை 352 கார்களுக்கு நேபாள மக்கள் ஆர்டர் கொடுத்துள்ளனர். நானோ விற்பனைக்கு வருவதாக அறிவிக்கப்பட்ட 10 நாளில் நடந்துள்ள புக்கிங் இது.