டீசல் நானோ லிட்டருக்கு 30 கிமீ செல்வதாக பரபரப்பு தகவல்

அதிக மைலேஜ் கொடுக்கும் விதத்தில் டீசல் நானோ காரை வடிவமைக்கும் பணிகளில் டாடா மோட்டார்ஸ் தீவிரமாக ஈடுபட்டுள்ளது.

வாகனங்களுக்கான உதிரிபாகங்கள் தயாரிப்பில் பிரபலமாக விளங்கும் போஸ்ச் ஒத்துழைப்புடன் நானோ காருக்கான எஞ்சினை டாடா மோட்டார்ஸ் வடிவமைத்து வருகிறது.

தற்போது பெட்ரோல் விலை எகிறி வருவதால் விலை அதிகமாக இருந்தாலும் பரவாயில்லை என்று டீசல் கார்களையே வாடிக்கையாளர்கள் வாங்கி வருகின்றனர்.

இந்த நிலையில், குறைந்த விலையில் அதிக மைலேஜ் கொடுக்கும் காராக நானோ வரும் என்று எதிர்பார்க்கப்படுவதால், மார்க்கெட்டில் டீசல் நானோ புதிய புரட்சியை ஏற்படுத்தும் என்று கருதப்படுகிறது.

இந்த நிலையில், சோதனை ஓட்ட நிலைகளில் டீசல் நானோ கார் லிட்டருக்கு 30 கிமீ முதல் 34 கிமீ மைலேஜ் கொடுப்பதாக தகவல்கள் வெளியாகியுள்ளன.

மேலும், இந்த காருக்கு ஏஆர்ஏஐ லிட்டருக்க 30 கிமீ செல்லும் கார் என்று சான்று அளிக்க இருப்பதாகவும் தகவல்கள் தெரிவிக்கின்றன.

டீசல் நானோ கார் லிட்டருக்கு 30 கிமீ செல்வது உறுதியானால் தற்போது நாட்டின் அதிக மைலேஜ் கொடுக்கும் காராக விளங்கும் டாடா இண்டிகா இவி2 காரை நானோ டீசல் விஞ்சும்.