2012ல் புதிதாக 7 கார்களை அறிமுகப்படுத்தும் ஆடி

ஜெர்மனியை சேர்ந்த ஆடி சொகுசு கார் நிறுவனம் வோக்ஸ்வேகன் குழுமத்தின் ஓர் அங்கமாக செயல்பட்டு வருகிறது.

இந்திய சொகுசு கார் மார்க்கெட்டில் அதிவேக வளர்ச்சியை பெற்று வரும் ஆடி நிறுவனம் அடுத்தடுத்து 7 புதிய கார் மாடல்களை இந்த ஆண்டுக்குள் அறிமுகம் செய்ய இருப்பதாக தெரிவித்துள்ளது.

இதன்மூலம், தான் திட்டமிட்டபடி வரும் 2015ம் ஆண்டுக்குள் இந்திய சொகுசு கார் மார்க்கெட்டில் முதலிடத்தை பிடிக்க முடியும் என்று அந்த நிறுவனம் கருதுகிறது.

தவிர, தற்போதுள்ள ஷோரூம்கள் எண்ணிக்கையை 10 லிருந்து 15 ஆக உயர்த்தவும் அந்த நிறுவனம் திட்டமிட்டுள்ளது.