குஜராத்துக்கு 1000 பஸ்களை சப்ளை செய்ய ஐஷருக்கு ஆர்டர்

ஐஷரின் பிஎஸ்3 மாசுக்கப்பட்டுப்பாடு அம்சம் கொண்ட 20.15 மாடல் பஸ்கள் சப்ளை செய்ய இந்த ஆர்டர் கொடுக்கப்பட்டுள்ளது. இந்த புதிய பஸ்கள் குஜராத்தில் பல்வேறு வழித்தடங்களில் இயக்கப்பட உள்ளது. குறி்ப்பாக, கிராமப்புறங்களை இணைக்கும் வகையில் இந்த புதிய பஸ்களை இயக்க குஜராத் மாநில போக்குவரத்து கழகம் திட்டமிட்டுள்ளது.

இதுகுறித்து விஇ நிறுவனம் வெளியிட்டுள்ள அறிக்கையில்," குஜராத் மாநில போக்குவரத்து கழகத்திற்கு ஏற்கனவே பஸ்களை சப்ளை செய்யப்பட்டுள்ளது.

அந்த பஸ்களின் தரம் மற்றும் சிறப்பான சர்வீஸ் வசதியை பார்த்து மீண்டும் குஜராத் மாநில போக்குவரத்து கழகம் இந்த ஆர்டரை வழங்கியுள்ளது. தொடர்ந்து எங்களுக்கு குஜராத் மாநில அரசு போக்குவரத்துக் கழகம் இது மிகவும் மகிழ்ச்சி அளிக்கிறது.

மேலும், வர்த்தக வாகன தயாரிப்பில் மூன்றாவது இடத்தில் இருக்கும் எங்களது நிறுவனத்தை அடுத்த கட்டதுக்கு கொண்டு செல்லும் திட்டங்களை செயல்படுத்தி வருகிறோம். இதற்காகவே, வால்வோவுடன் கூட்டணி அமைக்கப்பட்டுள்ளது,"என்று தெரிவிக்கப்பட்டுள்ளது.