டாடா உறவு முறிவு: ஐதராபாத்தில் முதல் ஷோரூம் திறந்த ஃபியட்

இத்தாலியை சேர்ந்த ஃபியட் நிறுவனம் டாடா மோட்டார்ஸ் நிறுவனத்துடன் கூட்டணி அமைத்து கார் விற்பனை செய்து வந்தது. கடந்த 6 ஆண்டுகளாக டாடா ஆலைகளில் கார் உற்பத்தியையும், டாடா ஷோரூம்களில் கார் விற்பனையையும் செய்து வந்தது ஃபியட்.

ஆனால், கார் விற்பனை எதிர்பார்த்த அளவு இல்லை என்பதால், விரக்தியடைந்த ஃபியட் தனியாக ஷோரூம்களை அமைத்து கார் விற்பனை செய்ய முடிவு செய்தது. எனவே, கார் விற்பனை தொடர்பாக டாடாவுடன் போட்டிருந்த ஒப்பந்தத்தை முடிவுக்கு கொண்டு வந்துவிட்டது ஃபியட்.

இதைத்ததொடர்ந்து, நாடு முழுவதும் தனியாக ஷோரூம்களை அமைக்கிறது. மேலும், தனது முதல் ஷோரூமை ஐதராபாத்தில் உள்ள பஞ்சரா ஹில்ஸ் பகுதியில் திறந்திருக்கிறது ஃபியட். நாட்டின் முக்கிய நகரங்களில் அடுத்தடுத்து தனியாக ஷோரூம்களை அமைக்கும் பணிகளிலும் அந்த நிறுவனம் தீவிரமாக இறங்கியுள்ளது.