ஸ்பெஷல் எடிசன் புன்ட்டோ, லீனியாவை களமிறக்கும் ஃபியட்!

Published: Tuesday, September 18, 2012, 17:25 [IST]

கூடுதல் அம்சங்களுடன் ஸ்பெஷல் எடிசன் புன்ட்டோ மற்றும் லீனியா கார்களை விரைவில் விற்பனைக்கு கொண்டு வருகிறது ஃபியட்.

பண்டிகை காலம் துவங்கியுள்ளதையடுத்து, வாடிக்கையாளர்கள கவரும் விதமாக பல கார் நிறுவனங்கள் பல்வேறு சலுகைகளை அறிவித்து வருகின்றன. ஃபியட் நிறுவனம் சலுகைகள் மட்டுமின்றி கூடுதல் அம்சங்களுடன் கூடிய புன்ட்டோ, லீனியா கார்களின் ஸ்பெஷல் எடிசன் மாடல்களை அறிமுகப்படுத்தப் போவதாக அறிவித்துள்ளது.

"அப்சொல்யூட் எடிசன்" என்ற பெயரில் வர இருக்கும் புன்ட்டோ மற்றும் லீனியா கார்களில் நேவிகேஷன் சிஸ்டம், , 3ஜி டேப்லெட், கார் பேட், ரிவர்ஸ் பார்க்கிங் சென்சார், மட் பிளாப்புகள், தரை விரிப்புகள், அப்சொல்யூட் எடிசன் என்ற பேட்ஜுடன் கூடிய கதவு கைப்பிடிகள் மற்றும் சீட் கவர்கள் ஆகியவற்றுடன் வர இருக்கின்றன.

தவிர, இன்ஸ்யூரன்ஸ் தொகையில் 50 சதவீதம் தள்ளுபடியும், இலவச சாலை அவசர உதவி திட்ட சலுகைகளையும் ஃபியட் வழங்குவதாக தெரிவித்துள்ளது. இந்த ஸ்பெஷல் எடிசன் கார்கள் விரைவில் ஷோரூம்களில் விற்பனைக்கு கிடைக்கும் என தெரிவிக்கப்பட்டிருக்கிறது.