மாருதியின் புதிய ஆல்ட்டோ 800 : சிறப்பு தகவல்கள்

ஆல்ட்டோவில் பொருத்தப்பட்டிருக்கும் 796 சிசி எஞ்சின் டியூனிங் செய்யப்பட்டு புதிய ஆல்ட்டோ 800 காரில் பொருத்தப்பட்டிருக்கிறது. இது அதிக பெர்ஃபார்மென்ஸ் மற்றும் 15 சதவீத கூடுதல் எரிபொருள் சிக்கனத்தை வழங்கும்.

அராய் சான்றுபடி லிட்டருக்கு 22.74 கிமீ மைலேஜ் தரும். பெட்ரோல் தவிர சிஎன்ஜி மாடலிலும் விற்பனைக்கு வரும் புதிய ஆல்ட்டோ சிஎன்ஜியில் செல்லும்போது ஒரு கிலோவுக்கு 30.46 கிமீ வரை மைலேஜ் செல்லும் என்கிறது மாருதி.

புதிய சஸ்பென்ஷன் கொண்டிருப்பதால் சிறப்பான ஓட்டுதல் தரத்தை வழங்கும். 3 வேரியண்ட்களில் புதிய ஆல்ட்டோ 800 விற்பனைக்கு வருகிறது. பேஸ் வேரியண்ட் ரூ.2.45 லட்சத்திலும், டாப் வேரியண்ட் ரூ.3 லட்சத்திலும் விற்பனைக்கு வரும் என்று தெரிகிறது. பெட்ரோல் வேரியண்ட்டை விட சிஎன்ஜி வேரியண்ட் ரூ.45,000 கூடுதல் விலை கொண்டதாக இருக்கும்.

பழைய ஆல்ட்டோவை விட 15 மிமீ கூடுதல் ஹெட்ரூமையும், 23 மிமீ கூடுதல் லெக்ரூமையும் கொண்டிருக்கும் என்பதால் பயணிகளுக்கு கொஞ்சம் தாராளமாக அமர்ந்து பயணம் செய்யலாம்.

டாப் வேரியண்ட்டில் பவர் ஸ்டீயரிங், பவர் விண்டோஸ், ஏசி, ஸ்டீரியோ சிஸ்டம் உள்ளிட்ட வசதிகள் இருக்கும். பழைய ஆல்ட்டோவைவிட உள்ளலங்காரமும் கவர்ச்சியாகவும், தரமாகவும் இருக்கும்.