மாருதி புதிய ஆல்ட்டோ 800: தெள்ளத் தெளிவான படங்கள்

உள்ளம் கொள்ளை போகுதே...!!

குரோம் பூச்சுடன் கிரில், அதன் நடுவில் சுஸுகியின் சின்னம், மிக நேர்த்த்தியான ஹெட்லைட் வடிவைப்பு, கருப்பு வண்ணத்தில் பெரிய ஏர் டேம் என பழைய ஆல்ட்டோவை விட கூடுதல் கம்பீரமும், வசீகரமுமாக மனதை இழுக்கிறது புதிய ஆல்ட்டோ 800.

ஜம்முன்னு இருக்கைகள்

நானோ கார் போன்று முன் இருக்கையில் ஒருங்கிணைந்த ஹெட்ரெஸ்ட்டுகள், பீயேஜ், கருப்பு வண்ண கலவையில் மிளிரும் உட்புறம், கதவுகளில் பேப்ரிக் வேலைப்பாடுகள், சில்வர் பூச்சுடன் கதவில் பிடிகள், முன்புறம் பவர் விண்டோஸ் ஆகியவை இருக்கின்றன.

கதவுகளில் அதிக வசதிகள்

கதவுகளின் உட்புறம் பீயேஜ் மற்றும் கிரே கலர் பிளாஸ்டிக்குகளால் வேயப்பட்டிருக்கின்றன. முன்பக்க கதவுகளில் பொருட்களை வைப்பதற்கான பாக்கெட்டும் இருக்கிறது. தவிர, ஸ்பீக்கரை பொருத்திக் கொள்வதற்கு ஏதுவான வசதியும் இருக்கிறது.

கவர்ச்சியான டேஷ்போர்டு, சென்ட்ரல் கன்சோல்

ஓவல் வடிவ ஏசி வென்ட்டுகள், டேஷ்போர்டு பக்கவாட்டில் வட்ட வடிவ ஏசி வென்ட்டுகள், டேஷ்போர்டில் பீயேஜ் மற்றும் சில்வர் பினிஷிங், சிங்கிள் டின் மியூசிங் சிஸ்டம்(ஸ்டான்டர்டு ஆக்சஸெரீயாக இருக்காது) ஆகியவை குறிப்பிட்டு கூறலாம்.

பவர் விண்டோஸ் ஸ்விட்சுகள்

பவர் விண்டோஸ் ஸ்விட்சுகளை கதவில் பொருத்துவதற்கு பதிலாக கியர் லிவருக்கும், ஹேண்ட் பிரேக்குக்கும் இடையில் பொருத்தப்பட்டிருக்கிறது. ஒயரிங் செலவீனத்தை கட்டுப்படுத்தும் வகையில் இவ்வாறு பொருத்தப்பட்டிருக்கலாம் என தெரிகிறது.