அலாய் வீல் இல்லாமல் எர்டிகாவை விற்பனை செய்ய மாருதி முடிவு

எர்டிகா எம்பிவி காருக்கு புக்கிங் எகிடுதகிடாவிட்டது. அதிலும், குறிப்பாக பெட்ரோல் மற்றும் டீசல் என இரண்டிலும் டாப் வேரியண்ட்களுக்குதான் அதிக புக்கிங் செய்யப்பட்டு வெயிட்டிங் பீரியட் கணிசமாக இருக்கிறது.

டாப் வேரியண்ட்டில் அலாய் வீல் ஸ்டான்டர்டு ஆக்சஸெரீயாக இருந்தது. ஆனால், அலாய் வீல் சப்ளை குறைவாக இருப்பதுதான் வெயிட்டிங் பீரியட் அதிகமாக இருப்பதற்கு முக்கிய காரணம். எனவே, தற்போது அலாய் வீல் இல்லாமல் புதிய டாப் வேரியண்ட்களை விற்பனைக்கு கொண்டு வருகிறது மாருதி.

அலாய் வீலுக்காக காத்திராமல் விரைவாக டெலிவிரி கிடைக்கும். இதன்மூலம், எர்டிகாவின் வெயிட்டிங் பீரியட் வெகுவாக குறையும் என்று கருதப்படுகிறது. மேலும், எர்டிகாவின் விலையிலும் ரூ.25,000 குறையும் என்று மாருதி வட்டாரத் தகவல்கள் தெரிவிக்கின்றன.