3 ஆண்டுகளில் 2 லட்சம் மாருதி ரிட்ஸ் கார்கள் விற்பனை

மாருதியின் வெற்றிகரமான மாடல்களில் ஒன்று ரிட்ஸ். அதிக மைலேஜ் மற்றும் சிறந்த பிக்கப் கொண்ட எஞ்சினை கொண்டிருப்பதால் தனக்கென தனி வாடிக்கையாளர்களை ரிட்ஸ் பெற்றுள்ளது.

உள்நாட்டு சந்தை தவிர தென்கிழக்கு ஆசியா மற்றும் அண்டை நாடுகளுக்கு ரிட்ஸ் ஏற்றுமதி செய்யப்பட்டு வருகிறது. இந்த நிலையில், ஆல்ட்டோ, ஸ்விப்ட் காருக்கு அடுத்து விற்பனையில் 2 லட்சம் என்ற புதிய மைல்கல்லை எட்டியுள்ளது.

கடந்த 2011-12 நிதியாண்டில் மட்டும் 64,000 ரிட்ஸ் கார்கள் விற்பனையாகியுள்ளன. அறிமுகம் செய்யப்பட்டு வெறும் 36 மாதங்களில் 2 லட்சம் என்ற விற்பனை எண்ணிக்கையை ரிட்ஸ் கடந்துள்ளது குறிப்பிடத்தக்கது.