தாய்லாந்தில் மிட்சுபிஷி மிராஜ் அறிமுகம்; அடுத்தது இந்தியாவுக்கா?

கடந்த ஆண்டு டோக்கியோவில் நடந்த ஆட்டோ ஷோவில் மிராஜ் என்ற பெயரில் புத்தம் புதிய பிரிமியம் ஹேட்ச்பேக் காரை மிட்சுபிஷி அறிமுகம் செய்தது. வளர்ந்து வரும் மார்க்கெட்டுகளில் தனது விற்பனையை அதிகரிக்கும் வகையில், இந்த புதிய காரை விற்பனைக்கு கொண்டு வர திட்டமிட்டுள்ளதாக அந்த நிறுவனம் தெரிவித்தது.

இந்த நிலையில், தாய்லாந்தில் இந்த புதிய ஹேட்ச்பேக் காரை மிட்சுபிஷி விற்பனைக்கு கொண்டு வந்துள்ளது. அடுத்தது இந்த கார் இந்தியாவில் அறிமுகம் செய்யப்படும் என்று எதிர்பார்க்கப்படுகிறது. கடந்த 12ந் தேதி அறிமுகம் செய்யப்பட்ட பஜெரோ ஸ்போர்ட் எஸ்யூவி அறிமுக விழாவில் கலந்துகொண்ட கார்ப்பரேட் விவகாரங்களுக்கான பொதுமேலாளர் மசகிகோ யுகி மிராஜை இந்தியாவில் அறிமுகப்படுத்தப்படும் என்பதை சூசகமாக கூறியிருந்தார்.

புதிய மிராஜ் ஹேட்ச்பேக் காரில் 1.2 எம்பிஎப்ஐ பெட்ரோல் எஞ்சின் பொருத்தப்பட்டிருக்கிறது. இந்த எஞ்சின் 77 பிஎச்பி ஆற்றலை வெளிப்படுத்தும் ஆற்றல் கொண்டது. தற்போது மிராஜ் ஹேட்ச்பேக் கார் 5 ஸ்பீடு மேனுவல் மற்றும் சிவிடி ஆட்டமேட்டிக் கியர் பாக்ஸ் மாடல்களில் அறிமுகம் செய்யப்பட்டுள்ளது.

இதேபோன்று, இந்தியாவிலும் இரண்டு கியர் பாக்ஸ் மாடல்களிலும் அறிமுகம் செய்யப்படலாம் என்று எதிர்பார்க்கப்படுகிறது. ரூ.3.8 லட்சம் முதல் ரூ.6.3 லட்சம் விலையில் மிராஜ் இந்தியாவில் விற்பனைக்கு வரும் என்று தகவல்கள் தெரிவிக்கின்றன.