நவம்பர் முதல் மைக்ரா, சன்னி கார் விலையை உயர்த்தும் நிசான்

போக்குவரத்து செலவீனம் மற்றும் உற்பத்தி செலவீனம் கணிசமாக உயர்ந்திருப்பதால் பெரும்பாலான நிறுவனங்கள் கார் விலையை இந்த மாத துவக்கத்தில் உயர்த்தின. இந்த வரிசையில்6கொஞ்சம் தாமதமாக இணைந்து கொண்டுள்ளது நிசான்.

வரும் 1ந் தேதி முதல் மைக்ரா மற்றும் சன்னி கார் விலையை உயர்த்த இருப்பதாக அறிவித்துள்ளது. அதேவேளை, சமீபத்தில் அறிமுகமான எவாலியா எம்பிவி கார் விலையை உயர்த்தப்போவதில்லை என்று நிசான் தெரிவித்துள்ளது.

மேலும், சிறிதளவு கார் விலை உயர்த்தப்படும் என்று தெரிவித்துள்ளதே தவிர, எத்தனை சதவீதம் உயர்த்தப்படும் என்று தெரிவிக்கவில்லை. நிசானின் இந்த அறிவிப்பு கார்களை புக்கிங் செய்து காத்திருக்கும் வாடிக்கையாளர் மத்தியில் சிறிது அதிருப்தியை ஏற்படுத்தியிருக்கிறது.