விற்பனையில் வென்ட்டோவை வீழ்த்திய ஸகோடா ரேபிட்

வோக்ஸ்வேகனின் கீழ் இயங்கும் செக் குடியரைசை சேர்ந்த ஸ்கோடா ஆட்டோ இந்திய மார்க்கெட்டில் முக்கிய இடத்தை பிடிப்பதற்கான நடவடிக்கைகளை தீவிரப்படுத்தியது.

இதன்படி, கடந்த ஆண்டு அந்தநிறுவனம் விற்பனைக்கு கொண்டு வந்த புதிய ரேபிட் மிட்சைஸ் செடான் வாடிக்கையாளர் மத்தியில் நல்ல வரவேற்பை பெற்றுள்ளது.

தனது தாய் நிறுவனமான வோக்ஸ்வேகனின் வென்ட்டோ பிளாட்பார்மில் வடிவமைக்கப்பட்ட ரேபிட் நிச்சயம் தனக்கு முக்கிய இடத்தை பெற்றுத் தரும் என்று அப்போதே நம்பிக்கையுடன் சொன்னது ஸ்கோடா.

இதை தற்போது ரேபிட் நிரூபித்துள்ளது. மேலும், கடந்த மாதம் விற்பனையில் வென்ட்டோவை விஞ்யிருக்கிறது ரேபிட் செடான்.

கடந்த மாதம் வோக்ஸ்வேகன் நிறுவனம் 2,174 வென்ட்டோ கார்களை விற்பனை செய்தது. ஆனால், ஸ்கோடா ஆட்டோ 2,204 ரேபிட் செடான் கார்களை விற்பனை செய்துள்ளது குறிப்பிடத்தக்கது.