பெட்ரோல் விலையை லிட்டருக்கு ரூ.15 குறைக்க டெல்லி அரசு முடிவு?

கடந்த இரு தினங்களுக்கு கோவா அரசு பெட்ரோல் விலை மீதான மதிப்பு கூட்டு வரியை அதிரடியாக குறைத்தது. இதனால், அங்கு லிட்டர் ரூ.66க்கு விற்கப்பட்டு வரும் பெட்ரோல் இனி ரூ.55 ஆக குறைய உள்ளது.

இந்த நிலையில், கோவாவில் ஆளும் பிஜேபி அரசு பெட்ரோல் விலையை அதிரடியாக குறைத்துள்ளது பிற மாநிலங்களுக்கும் பெரும் நெருக்கடியை ஏற்படுத்தியுள்ளது. கோவாவை பின்பற்றி மற்ற மாநிலங்களும் பெட்ரோல் விலையை குறைக்க வேண்டும் என்று மத்திய இணை அமைச்சர் ராஜீவ் சுக்லா நேற்றுமுன்தினம் வலியுறுத்தி இருந்தார்.

இந்த நிலையில், கோவாவை பின்பற்றி பெட்ரோல் மீதான மதிப்புக் கூட்டு வரியை கணிசமாக குறைக்க டெல்லி அரசு முடிவு செய்துள்ளதாக தகவல்கள் தெரிவிக்கின்றன. இதன்மூலம், தற்போது ரூ.66க்கு விற்பனை செய்யப்பட்டு வரும் பெட்ரோல் விலை ரூ.50 ஆக குறையும் என்று தகவல்கள் தெரிவிக்கின்றன.