சிஎன்ஜி மற்றும் டீசல் கார்களில் எது பெஸ்ட்?: ஒப்பீட்டு பார்வை

அப்படி குடைந்தெடுத்த விஷயத்தில் கடைசியில் மிஞ்சுவது டீசல் கார்கள்தான். அதிக விலை மற்றும் அதிக பராமரிப்பு செலவை கொடுத்தாலும் டீசல் கார்களுக்குத்தான் மார்க்கெட்டில் இப்போது மதிப்பு.

மார்க்கெட்டில் கிடைக்கும் எரிபொருள்களில் டீசல்தான் விலை குறைவு என்பதுடன், டீசல் கார்கள் அதிக மைலேஜை கொடுக்கின்றன என்பதும் முக்கிய காரணம்.

ஆனால், டீசலுக்கு சமமான விலை கொண்ட சிஎன்ஜி எனப்படும் இயற்கை எரிவாயுவில் இயங்கும் கார்களுக்கு போதிய வரவேற்பு இல்லை. டீசலை விட சுற்றுச்சூழலுக்கு தீங்கு விளைவிக்காத சிஎன்ஜி கார்கள் எடுபடாததற்கு குறைந்த பிக்கப், சிஎன்ஜி நிரப்புவதற்கான கட்டமைப்பு வசதிகள் இல்லாதது முக்கிய காரணங்களாக கூறப்படுகின்றன.

இதைவிட முக்கியமாக தற்போது டீசல் கார்களை விட சிஎன்ஜி கார்களை இயக்குவதற்கான போக்குவரத்து செலவும் கூடுதலாக இருப்பதாலும் மவுசு மங்கியுள்ளது. டீசல் கார்களில் ஒரு கிலோமீட்டர் தூரம் செல்வதற்கு ரூ.1.75 மட்டுமே செலவாகிறது.

ஆனால், சிஎன்ஜி கார்களில் ஒரு கிலோமீட்டர் தூரம் செல்வதற்கு ரூ.2.10 செலவாகிறது என புள்ளிவிபரங்கள் தெரிவிக்கின்றன. மேலும், குறிப்பிட்ட ஆண்டுகளுக்கு பின் சிஎன்ஜி கார்களின் எஞ்சினில் பிரச்னை எழுவதும் முக்கிய காரணமாக கூறப்படுகிறது.

தவிர, சிஎன்ஜி கார்களைவிட டீசல் கார்களின் பின்னி எடுக்கும் பெர்ஃபார்மென்சும் கார் டிரைவர்களின் முதல் விருப்பமாக டீசல் கார்கள் இருக்கின்றன.