ரூ.9,999 மாதத் தவணையில் ரேபிட் கார்: ஸ்கோடாவின் ஆஃபர்

மிட் சைஸ் மார்க்கெட்டில் க்யூட் டிசைன் காராக வலம் வருகிறது ஸ்கோடா ரேபிட். தரமான கட்டுமானம், கையாளுமை, வசதிகள் என கவரும் ரேபிட்டை வாங்குவதற்கு ஸ்கோடா புதிய கடன் திட்டத்தை அறிவித்துள்ளது.

இதன்படி, மிகக்குறைந்த ரூ.9,999 மாதத் தவணையில் ஸ்கோடா ரேபிட்டை வாங்குவதற்கான வாய்ப்பு கிடைத்துள்ளது. இந்த சலுகை ரேபிட் காரின் ஆக்டிவ் 1.6 லிட்டர் மேனுவல் வேரியண்ட்டுக்கு கொடுக்கப்படுகிறது. இதுதவிர, பெட்ரோல் மற்றும் டீசல் என அனைத்து வேரியண்ட்டுகளும் சிறப்பு கடன் திட்டத்தை ஸ்கோடா வழங்குகிறது.

விலை விபரங்கள் கடந்த 3ந் தேதி டெல்லி எக்ஸ்ஷோரூம் விலை நிலவரப்படி கடன் திட்டம் கணக்கிடப்பட்டிருக்கிறது. 48 மாதத் தவணைகள் கொண்ட இந்த கடன் திட்டத்தை வரும் 31ந் தேதி வரை வாடிக்கையாளர்கள் பெற முடியும். மேலும், ஸ்கோடா ஆட்டோவின் சொந்த பைனான்ஸ் நிறுவனத்தின் கீழ் இந்த கடன் திட்டம் வழங்கப்படுகிறது.

முன்பணம், மாதத் தவணை தவிர்த்து அடுத்து கொடுக்கப்பட்டிருக்கும் பலூன் தொகை கடன் முடிவடையும் கடைசி மாதத் தவணையுடன் சேர்த்து செலுத்த வேண்டும். அவற்றின் விபரங்களை கீழே காணலாம்.