மோட்டார்சைக்கிளுக்கு ரிவர்ஸ் கியர் பாக்ஸ் கண்டுபிடித்த மாணவர்கள்

நான்கு சக்கர வாகனங்கள் போன்று மோட்டார்சைக்கிளை ரிவர்ஸ் எடுப்பதற்கான புதிய கியர் பாக்ஸை உத்தரபிரதேசத்தை சேர்ந்த கல்லூரி மாணவர்கள் உருவாக்கியுள்ளனர்.

மாற்றுத் திறனாளிகள் மற்றும் வயது முதிர்ந்தவர்கள் மோட்டார்சைக்கிளை பின்புறம் தள்ளி திருப்ப இயலாத நிலை இருக்கிறது. அவர்களுக்கு பயன்படும் வகையில் இந்த புதிய கியர் பாக்ஸை தயாரித்துள்ளனர்.

3 சக்கர மற்றும் 4 சக்கரங்கள் பொருத்தப்பட்ட மோட்டார்சைக்கிள்களில் இந்த கியர் பாக்சை எளிதாக பொருத்திவிட முடியும் என்கின்றனர் இதனை கண்டுபிடித்த மாணவர்கள்.

இந்த புதிய கியர் பாக்ஸ் ரூ.4,500 முதல் ரூ.5,500 விலையில் மார்க்கெட்டில் விற்பனைக்கு விட இருப்பதாக தெரிவித்துள்ளனர். கண்டிப்பாக, இந்த கியர் பாக்ஸ் மாற்றுத் திறனாளிகளுக்கு உதவும் என்று கூறலாம்.