மேம்படுத்தப்பட்ட அம்சங்களுடன் வரும் சுஸுகி எஸ்எக்ஸ் 4

சுஸுகியின் வெற்றிகரமான கார் மாடல் எஸ்எக்ஸ்4. இத்தாலியை சேர்ந்த ஃபியட் ஒத்துழைப்புடன் வடிவமைக்கப்பட்ட கார். இந்தியாவில் மிட்சைஸ் ரகத்தில் விற்பனை செய்யப்பட்டு வரும் எஸ்எக்ஸ் 4, பிற மார்க்கெட்டுகளில் கிராஸ்ஓவர் ரகத்தில் விற்பனை செய்யப்பட்டு வருகிறது.

இந்த நிலையில், எஸ்எக்ஸ்4 காரை புதுப்பொலிவுடன் மாற்றி வருகிறது சுஸுகி. புதிய காரின் சோதனை ஓட்டப் படங்கள் தற்போது இணையதளங்களில் உலா வருகிறது. புதிய எஸ்எக்ஸ்4 காரில் ஃபியட் எஞ்சினுக்கு பதில் தனது எஞ்சினையே பொருத்துவதற்கு சுஸுகி முடிவு செய்துள்ளது.

புதிய எஞ்சின் 110 பிஎச்பி ஆற்றலை வெளிப்படுத்தும் திறன் கொண்டதாக இருக்கும் என்பதோடு, புதிய எஸ்எக்ஸ் 4 காரில் சிவிடி டிரான்ஸ்மிஷன் கொண்ட மாடலுடன் வரும். உட்புறம் முழுவதும் கிசாஷி பிரிமியம் செடான் காரின் உட்புறத்துடன் வடிவமைக்கப்பட்டிருப்பதாக செய்திகள் தெரிவிக்கின்றன.

வரும் 2014ம் ஆண்டில் இந்த புதிய எஸ்எக்ஸ் 4 காரை இந்தியாவில் அறிமுகம் செய்ய மாருதி திட்டமிட்டிருப்பதாக தகவல்கள் தெரிவிக்கின்றன.