கார்களுக்கான கோடைகால கார் சர்வீஸ் முகாம்: வோக்ஸ்வேகன் அறிவிப்பு

கோடை காலத்தில் கார்களில் ஏசி மெஷின் மற்றும் இதர பாகங்களை பரிசோதனை செய்யும் வகையில் சிறப்பு சர்வீஸ் முகாம்களை பெரும்பாலான கார் நிறுவனங்கள் நடத்தி வருகின்றன. அந்த வகையில், ஸ்கோடா, டொயோட்டோவை தொடர்ந்து வோக்ஸ்வேகனும் கார்களுக்கான கோடைகால சிறப்பு சர்வீஸ் முகாமை அறிவித்துள்ளது.

இந்த சர்வீஸ் முகாமில் ஏசி வென்ட்டின் குளிர்ச்சி அளவு பரிசோதனை, போலன் பில்டர் பரிசோதனை, ஏசி மெஷின் கன்ட்ரோல் பரிசோதனை உள்ளிட்ட கோடைகாலத்தில் பயணம் செய்ய தேவைப்படும் முக்கிய பரிசோதனைகள் செய்யப்படும் என தெரிவிக்கப்பட்டுள்ளது.

இதுதவிர, டோர் வைசர், சன் பிலிம், நேவிகேஷன் சிஸ்டம் ஆகியவற்றுக்கு விலையில் 10 சதவீதமும், 3எம் கார் டீட்டெயலிங் சர்வீஸ் செய்வதற்கு 20 சதவீதம் தள்ளுபடி சலுகையும் வழங்கப்படும் என்று வோக்ஸ்வேகன் தெரிவித்துள்ளது.