டைகுன் காம்பெக்ட் எஸ்யூவியை காட்சிப்படுத்திய போக்ஸ்வேகன்

டைகுன் கான்செப்ட்

அப் ஹேட்ச்பேக் காரின் பிளாட்பார்மில்தான் இந்த புதிய மினி எஸ்யூவி வடிவமைக்கப்பட்டிருக்கிறது. எல்இடி விளக்குகள் கூடுதல் அம்சமாக இருக்கிறது

வடிவமைப்பு

3.86 மீட்டர் நீளமும், 1.73 மீட்டர் அகலமும் கொண்டதாக வடிவமைக்கப்பட்டிருக்கிறது. 4 மீட்டருக்கும் குறைவாக இருப்பதால் இந்தியா வந்தால் வரிச்சலுகை கிடைக்கும். பார்த்தவுடன் போக்ஸ்வேகன் வடிவமைப்பை நினைவுகூறும் அம்சங்கள் ஏராளம். தவிர, எஸ்யூவி கார்களுக்கான பிரத்யேக அடையாளங்கள் வெளிப்புறத்தில் அதிகம் தெரிகின்றன.

அசத்தும் இன்டிரியர்

அசத்தலான இன்டிரியரை கொண்டிருக்கிறது. இதன் இன்போடெயின்மென்ட் சிஸ்டம் பல்வேறு பொழுதுபோக்கு மற்றும் வழிகாட்டும் வசதிகளை வழங்கும். பெரும்பாலான ஸ்மார்ட்போன்களோடு இதனை எளிதாக இணைக்க முடியும்.

முன்வரிசை

முன்வரிசை 1086 மிமீ ஹெட்ரூம் இருப்பதால் உயரமானவர்கள் கூட தாராளமான இடவசதியை அனுபவிக்க முடியும்

இருக்கை வசதி

5 பேர் செல்லும் வசதிகொண்டதாக இருக்கும். வழக்கமான மினி எஸ்யூவி மாடல்களை விட சற்று அகலம் கூடுதலாக இருப்பதால் பின் வரிசையில் அமர்பவர்களுக்கு கூடுதல் சவுகரியத்தை உணரலாம்.

எஞ்சின்

3 சிலிண்டர்கள் கொண்ட 1.0 லிட்டர் பெட்ரோல் எஞ்சின் பொருத்தப்பட்டிருக்கும். டர்போசார்ஜர்கள் உதவியுடன் இந்த எஞ்சின் 110 பிஎச்பி ஆற்றலை வெளிப்படுத்தும். 6 ஸ்பீட் மேனுவல் கியர் பாக்ஸ் கொண்டிருக்கும். மணிக்கு 186 கிமீ வேகத்தில் செல்லும்.