நம்புங்கள்... ரூ.180 கோடிக்கு ஏலம் போன ஃபெராரி கார்!

கடந்த 1962ம் ஆண்டு முதல் 1964ம் ஆண்டு வரை 250 ஜிடிஓ கார்களை ஃபெராரி உற்பத்தி செய்தது. அதில் ஒரு காரான இந்த வெளிர் பச்சை நிற காரை பிரிட்டனை சேர்ந்த கார் பந்தய வீரர் ஸ்டெர்லிங் மோஸ் பயன்படுத்தியுள்ளார். ஆனால், இந்த காரை வைத்து அவர் ஒரு முறைகூட பந்தயங்களில் வெற்றிபெற்றதில்லை.

இருப்பினும், இந்த கார் யாரும் எதிர்பாராத வகையில் ரூ.180 கோடிக்கு ஏலம் போனது அனைவரையும் வியப்பில் ஆழ்த்தியுள்ளது. நெதர்லாந்தை சேர்ந்த தொழிலதிபர் ஒருவரிடமிருந்து தற்போது அமெரிக்காவை சேர்ந்த கார் சேகரிக்கும் ஆர்வலர் ஒருவரிடம் இந்த காரை ஏலம் மூலம் விற்பனை செய்யப்பட்டுள்ளது.

காரை ஏலத்தில் எடுத்தவர் அமெரிக்காவின் முன்னணி தொலைதொடர்பு சேவை வழங்கி வரும் மெக்கா நிறுவனத்தை துவங்கிய நிறுவனர்களில் ஒருவர். ஆனால், இந்த நிறுவனத்தை ஏடி&டி தொலைதொடர்பு நிறுவனம் வாங்கிவிட்டது குறிப்பிடத்தக்கது.