மேம்படுத்தப்பட்ட ஆடியின் புதிய ஏ8எல் சொகுசு ரதம் விற்பனைக்கு வந்தது

கஸ்டமைசேஷன் ஆப்ஷன்கள்

மொத்தம் 111 வெளிப்புற வண்ணங்கள், 23 விதமான வண்ணங்களில் லெதர்கள், 27 கஸ்டமைஸ் ஆக்சஸெரீஸ்கள் மற்றும் 12 விதமான மரவேலைப்பாடுகளை தேர்வு செய்து கொள்ளும் விதத்தில் ஆடி ஏ8எல் கார் கிடைக்கிறது. இதுதவிர, ஹெட்ரெஸ்ட் லோகோவில் வாடிக்கையாளர்களின் இனிஷியல்களையும் பொறித்து பெற்றுக்கொள்ளலாம். இதுதவிர, மேட்ரிக்ஸ் ஹெட்லைட்டுகளுடன் கிடைக்கிறது.

இதர வசதிகள்

ஏர் சஸ்பென்ஷன், வென்டிலேஷன் அமைப்புடன் இருக்கைகள், சர்ரவுண்ட் மியூசிக் சிஸ்டம், பார்க் அசிஸ்ட், சர்ரவுண்ட் வியூ கேமரா, பானரோமிக் சன்ரூஃப், ஹெட் அப் டிஸ்ப்ளே, ஆடியின் வயர்லெஸ் இன்டர்நெட் கனெக்ஷன், மசாஸ் இருக்கைகள் என வசதிகளின் பட்டியல் நீள்கிறது.

எஞ்சின் ஆப்ஷன்கள்

ஆடியின் புதிய ஏ8எல் கார் ஒரு பெட்ரோல் மற்றும் இரு விதமான டீசல் மாடல்களில் விற்பனைக்கு வந்துள்ளது. 435 எச்பி பவர் கொண்ட வி8 பைடர்போ பெட்ரோல் எஞ்சின், 250 எச்பி பவர் கொண்ட 3.0 லிட்டர் டீசல் எஞ்சின் மற்றும் 385 எச்பி பவரை அளிக்கும் 4.2 லிட்டர் டீசல் எஞ்சின் மாடல்களில் கிடைக்கிறது.

விலை

ரூ.11,295,000 டெல்லி எக்ஸ்ஷோரூம் விலையிலும், ரூ.11,143,000 மும்பை எக்ஸ்ஷோரூம் விலையிலும் புதிய ஆடி ஏ8எல் சொகுசு கார் விற்பனைக்கு கிடைக்கும்.