பிஎம்டபிள்யூ 90 புதிய பைக் கான்செப்ட்... பின்னணி தெரியுமா?

Updated: Monday, May 27, 2013, 11:01 [IST]

இத்தாலியில் நடைபெற்று வரும் கான்கார்சோ டி எலிகன்சா டி எஸ்டே என்ற ஆட்டோமொபைல் கண்காட்சியில், நைன்ட்டி(90) என்ற புதிய கான்செப்ட் பைக்கை பிஎம்டபிள்யூ பார்வைக்கு வைத்திருக்கிறது. 1973 முதல் 1976 வரை தயாரிக்கப்பட்ட ஆர்90எஸ் ஸ்போர்ட்ஸ் மோட்டார்சைக்கிளின் அடிப்படையில் இந்த புதிய கான்செப்ட் பைக் வடிவமைக்கப்பட்டுள்ளது.

டிசைன் தாத்பரியம் பழசு என்றாலும், இதில் பயன்படுத்தப்பட்டுள்ள தொழில்நுட்பங்களும், தரும் வசதிகளும் நவீன காலக்கட்டத்துக்கு ஏற்ப இருக்கும். பிஎம்டபிள்யூ மோட்டோராடு டிசைன் ஸ்டூடியோவை சேர்ந்த நிபுணர்களும், பிரபல பைக் கஸ்டமைசேஷன் நிறுவனமான ரோலன்ட் சான்ட்ஸ் டிசைன்ஸ் ஆகியவை இணைந்து இந்த பைக்கை உருவாக்கியுள்ளன. கட்டிங் எட்ஜ் தொழில்நுட்பத்தில் வடிவமைக்கப்பட்டிருக்கும் இந்த கான்செப்ட் பைக்கின் படங்களை ஸ்லைடரில் காணலாம்.

பிஎம்டபிள்யூ 90 கான்செப்ட்

1976ம் ஆண்டு அமெரிக்காவின் முதல் ஏஎம்ஏ சூப்பர் பைக் சாம்பியன்ஷிப் பந்தயத்தில் இந்த பைக்தான் முதலிடத்தை பிடித்தது. இங்கிலாந்தை சேர்ந்த ரெக் பிரிட்மோர் என்ற வீரர் இந்த பைக்கை ஓட்டி கோப்பையை வென்றார்.

பிஎம்டபிள்யூ 90 கான்செப்ட்

பிஎம்டபிள்யூ ஆர்90எஸ் அறிமுகம் செய்யப்பட்டு 40 ஆண்டுகள் நிறைவடைவதை கொண்டாடும் வகையில் இந்த புதிய கான்செப்ட் பைக்கை பிஎம்டபிள்யூ அறிமுகம் செய்துள்ளது.