இந்தியாவிலும் ஐ3 அறிமுகம் செய்யப்படும்: பிஎம்டபிள்யூ அதிகாரி தகவல்

கார்பன் ஃபைபர் பாடி

இந்த காரில் 50 சதவீதம் அளவுக்கு கார்பன் ஃபைபர் பாகங்கள் பயன்படுத்தப்பட்டிருப்பதால் எடை வெகுவாக குறைக்கப்பட்டுள்ளது. பிஎம்டபிள்யூ இதுவரை தயாரித்த உற்பத்தி நிலை கார்களில் அதிக அளவு கார்பன் ஃபைபர் பயன்படுத்தப்பட்டிருப்பது இதுவே முதன்முறையாகும்.

மறுசுழற்சி பாகங்கள்

இந்த கார் 1,200 கிலோ எடை கொண்டது. இதில், பேட்டரியின் எடை 236 கிலோ எடை கொண்டது. இதில், விஷேசம் என்னவெனில், இந்த காரின் 80 சதவீத பாகங்களை மறுசுழற்சி செய்ய முடியும் என்பதுதான்.

எலக்ட்ரிக் மோட்டார்

இந்த காரில் 164 பிஎச்பி சக்தியை அளிக்கும் பவர்ஃபுல் எலக்ட்ரிக் மோட்டார் பொருத்தப்பட்டுள்ளது. ரியர் வீல் டிரைவ் சிஸ்டம் கொண்டது.

சார்ஜ்

ஒருமுறை சார்ஜ் செய்தால் இந்த காரில் 130 கிமீ வரை செல்ல முடியும். ஆனால், பேட்டரியை நம்பி இராமல் கூடுதல் பெட்ரோல் எஞ்சினும் பொருத்தப்பட்டிருக்கிறது.

இருக்கை வசதி

இந்த கார் 4 பேர் பயணம் செய்யும் வசதி கொண்டது.

சாட்நவ் சிஸ்டம்

சாட்நவ் சிஸ்டம் மூலம் அருகிலுள்ள சார்ஜ் நிலையங்கள் பற்றிய விபரம், பேட்டரி சார்ஜ் நிலவரம் போன்ற பல்வேறு தகவல்களை பெற முடியும்.

ஒருமுறை சார்ஜ் செய்ய...

இதில் பொருத்தப்பட்டிருக்கும் லித்தியம் அயான் பேட்டரியை ஒருமுறை சார்ஜ் செய்வதற்கு 6 மணி நேரம் பிடிக்கும்.

வேரியண்ட்கள்

ஸ்டான்டர்டு, லாஃப்ட், லாட்ஜ் மற்றும் சூட் ஆகிய 4 வேரியண்ட்களில் கிடைக்கும்.

விலை

ஐரோப்பாவில் 35,000 யூரோ விலையிலும், அமெரிக்காவில் 41,350 டாலர் விலையிலும் விற்பனைக்கு வருகிறது. சீனாவில் இந்த காருக்கான விலை விபரம் அறிவிக்கப்படவில்லை.