டட்சன் கோ... முதல் ஹேட்ச்பேக் காரை அறிமுகப்படுத்திய நிசான்

Updated: Monday, July 15, 2013, 15:07 [IST]

மாருதிக்கு டென்ஷனை கொடுக்கும் டிசைனுடன் டட்சன் பிராண்டின் முதல் ஹேட்ச்பேக் கார் டெல்லியில் நடந்த வண்ணமிகு விழாவில் சற்றுமுன் அறிமுகம் செய்யப்பட்டது. டட்சன் கோ(GO) என பெயரிடப்பட்டிருக்கும் இந்த கார் அடுத்த ஆண்டு துவக்கத்தில் இந்தியாவில் விற்பனைக்கு வருகிறது.

மாருதி ஆல்ட்டோ, ஹூண்டாய் இயான் கார்களுக்கு நேரடி போட்டியாளராக களமிறங்கும் இந்த கார் நிசானுக்கு பெரிய வர்த்தக வாய்ப்பை பெற்றுத் தரும் என நம்பப்படுகிறது. 2016ம் ஆண்டில் இந்திய மார்க்கெட்டில் 10 சதவீத பங்களிப்பை பெறுவதற்கு திட்டமிட்டுள்ள நிசானுக்கு இந்த கார் மிகவும் முக்கியத்துவம் வாய்ந்த மாடலாக இருக்கிறது.

விலை நிர்ணயம்

அடுத்த ஆண்டு ஜனவரியில் ரூ.4 லட்சத்திற்குள் இந்த காரை விற்பனைக்கு கொண்டு வர இருப்பதாக நிசான் அறிவித்துள்ளது. ஆனால், ரூ.3.5 லட்சம் ஆன்ரோடு விலையில் பேஸ் வேரியண்ட்டை நிலைநிறுத்த நிசான் திட்டமிட்டுள்ளதாக நம்பத்தகுந்த வட்டாரங்கள் தெரிவிக்கின்றன.

எஞ்சின்

மைக்ராவில் பொருத்தப்பட்டிருக்கும் அதே 1.2 லிட்டர் பெட்ரோல் எஞ்சின் மற்றும் 5 ஸ்பீட் டிரான்ஸ்மிஷனுடன் வருகிறது.

வீல்பேஸ் அதிகம்

மைக்ராவைவிட சிறிது கூடுதல் (2,450 மிமீ) வீல்பேஸ் கொண்டதாக இருப்பதால் இடவசதியும் அதிகமிருக்கும்.

கனவு நனவாகும்

இந்திய வாடிக்கையாளர்களின் கார் வாங்கும் கனவை டட்சன் கோ கார் நிறைவேற்றும்," என்று நிசான் தலைவர் கார்லோஸ் கோஸ்ன் கூறினார்.

மீண்டும் டட்சன்

32 ஆண்டுகளுக்கு டட்சன் பிராண்டுக்கு மீண்டும் உயிர்கொடுத்துள்ளது நிசான். இன்பினிட்டி உள்பட நிசான் நிறுவனத்தின் மூன்றாவது பிராண்டு இது என்பது குறிப்பிடத்தக்கது.

பிரிமியம் ஹேட்ச்பேக்

விலை குறைவான காராக குறிப்பிட்டாலும், பிரிமியம் ஹேட்ச்பேக் கார் போன்ற டிசைன், இடவசதியை கொண்டிருக்கிறது.

பிற மார்க்கெட்டுகள்

இந்தியா தவிர ரஷ்யா, இந்தோனேஷியா மற்றும் தென் ஆப்ரிக்கா உள்ளிட்ட நாடுகளில் டட்சன் பிராண்டு கார்கள் விற்பனைக்கு வர இருக்கிறது. அந்தந்த மார்க்கெட்டுகளுக்கு தகுந்தாற்போல் மாற்றங்கள் செய்யப்பட்டிருக்கும் என நிசான் தெரிவித்துள்ளது.