புழுதியை கிளப்பும் புதிய பென்ஸ் செடான் அறிமுகம்!

தோற்றம்

ஏர் ஸ்பிலிட்டர், சைடு ஸ்கர்ட், அலாய் வீல்கள் ஆகிய ஏஎம்ஜி கிட்டுகளால் புதிய எஸ்63 ஏஎம்ஜி கார் கூடுதல் கம்பீரம் கொண்டதாக தெரிகிறது.

எஞ்சின்

இந்த காரில் 5.5 லிட்டர் வி8 ட்வின் டர்போ எஞ்சின் பொருத்தப்பட்டிருக்கிறது. இந்த காரில் ஏஎம்ஜி ஸ்பீட்ஷிப்ட் எம்சிடி 7 ஸ்பீடு ஸ்போர்ட்ஸ் டிரான்ஸ்மிஷன் பொருத்தப்பட்டிருக்கிறது.

பவர்

இந்த காரின் எஞ்சின் அதிகபட்சமாக 577 எச்பி பவரையும், 900 என்எம் டார்க்கையும் அளிக்கும். முந்தைய மாடலைவிட இது 49 எச்பி கூடுதல் என்பது குறிப்பிடத்தக்கது.

எடை குறைவு

முந்தைய மாடலைவிட இந்த புதிய மாடல் 100 கிலோ வரை எடை குறைவானது.

எடை குறைப்பு சமாச்சாரம்

இலகு எடை கொண்ட அலாய் வீல்கள், பிரேக்கிங் சிஸ்டம், லித்தியம் அயான் பேட்டரி, 4 மேட்டிக் ஆல் வீல் டிரைவ் சிஸ்டம், அலுமினியம் பாடி ஆகியவை இந்த காரின் எடை குறைப்புக்கு காரணங்களாகியுள்ளன. இதுதவிர, கார்பன் ஃபைபர் பாகங்களும் ஆங்காங்கே பயன்படுத்தப்பட்டுள்ளன.

உந்துசக்தி

எடை குறைந்ததால் 0-100 கிமீ வேகத்தை இந்த செடான் கார் வெறும் 4 வினாடிகளில் தொட்டுவிடும். 300 கிமீ வேகத்தை மிகாத வண்ணம் கட்டுப்படுத்தப்பட்டுள்ளது.

சஸ்பென்ஷன்

இந்த காரில் ஏர்மேட்டிக் ஸ்போர்ட்ஸ் சஸ்பென்ஷன் பொருத்தப்பட்டிருக்கிறது. புதிய 16.5 இஞ்ச் விட்டம் கொண்ட கார்பன் செராமிக் டிஸ்க் பிரேக் முதன்முறையாக இந்த காரில் கொண்டு வரப்பட்டுள்ளது.

இன்டிரியர்

வாடிக்கையாளர்களின் விருப்பதிற்கு ஏற்றாற்போல் இன்டிரியரை தேர்வு செய்துகொள்ளும் வகையில் ஏராளமான ஆக்சஸெரீஸ்களுடன் கிடைக்கும்.

முதல் தரிசனம்

வரும் செப்டம்பரில் நடைபெற இருக்கும் பிராங்ஃபர்ட் ஆட்டோ ஷோவில் இந்த புதிய கார் அறிமுகம் செய்யப்பட உள்ளது.