மிட்சுபிஷி அட்ரேஜ் புதிய காம்பெக்ட் செடான் அறிமுகம்

ஹோண்டாவின் பிரியோ, அமேஸ் போன்றே இந்த காரும் மிட்சுபிஷியின் மிராஜ் ஹேட்ச்பேக் காரின் செடான் வெர்ஷனாக வருகிறது. இந்த காரில் 1.2 லிட்டர் பெட்ரோல் எஞ்சின் பொருத்தப்பட்டிருக்கும். 5 ஸ்பீடு மேனுவல் கியர் பாக்ஸ் மற்றும் சிவிடி ஆட்டோமேட்டிக் கியர் பாக்ஸ் மாடல்களில் விற்பனைக்கு வரும் என தெரிகிறது.

இதுதவிர, மார்க்கெட்டை பொறுத்து 1.0 லிட்டர் எஞ்சினுடனும் இந்த காரை விற்பனைக்கு கொண்டு வருவதற்கு மிட்சுபிஷி திட்டமிட்டுள்ளது. இந்த கார் லிட்டருக்கு 26.3 கிமீ மைலேஜ் தரும் என கூறப்படுகிறது. ஆனால், சராசரியாக லிட்டருக்கு 18.7 கிமீ மைலேஜ் தருமாம். சிறந்த ஏரோடைனமிக்ஸ் கொண்டிருப்பதால் இந்த மைலேஜ் சாத்தியம் என மிட்சுபிஷி தரப்பு தெரிவிக்கிறது.

ஜூலை மாதம் முதல் தாய்லாந்து மார்க்கெட்டில் இந்த புதிய கார் விற்பனைக்கு வர இருக்கிறது. இதைத்தொடர்ந்து, இந்தியாவிலும் இந்த கார் விற்பனைக்கு வருவதற்கு அதிக வாய்ப்புகள் உள்ளதாக ஆட்டோமொபைல் வட்டாரத் தகவல்கள் தெரிவிக்கின்றன.