டர்போ சார்ஜர் எஞ்சினுடன் பிளிர வரும் டீசல் நானோ

டீசல் நானோ குறித்த தகவல்கள் அவ்வப்போது வெளிவந்து பரபரப்பை ஏற்படுத்தி வருகின்றன. தற்போது வெளியான தகவல் டாடா மோட்டார்ஸ் ரகசியம் காத்து வரும் டீசல் நானோவின் எஞ்சின் தொடர்பானது.

டீசல் நானோவுக்கு பாஷ் நிறுவனம் 800சிசி டீசல் எஞ்சினை தயாரித்து வருகிறது. இந்த எஞ்சின் டர்போ சார்ஜர் துணையுடன் கூடுதல் சக்தியை வெளிப்படுத்தும் வகையில் இருக்கும் என்பதே தற்போதைய பரபரப்பான செய்தி.

டீசல் நானோவுக்கான டர்போ சார்ஜரை உலகின் முன்னணி டர்போ சார்ஜர் சப்ளையரான காரட் நிறுவனம் சப்ளை செய்ய உள்ளது தெரியவந்துள்ளது. டீசல் நானோவின் எஞ்சின் மற்றும் இதர சில விபரங்களை தனது இணையதளத்தில் இரு நாட்களுக்கு முன் காரட் வெளியிட்டது.

ஆனால், மீடியாவில் இந்த தகவல் பரபரப்பை ஏற்படுத்தியது டாடா மோட்டார்ஸ் கவனத்திற்கு சென்றதால், தற்போது அந்த பக்கம் திடீரென நீக்கப்பட்டுள்ளது. டீசல் நானோவின் எஞ்சின் 40.2 பிஎச்பி ஆற்றலை வெளிப்படுத்தும் சக்தி கொண்டதாக இருக்கும் என காரட் இணைய பக்கத்தில் தெரிவிக்கப்பட்டிருந்தது.