Just In
- 44 min ago
அதிக மைலேஜ் தரும் டாப்10 சப்-4மீ, க்ராஸோவர் கார்கள்... அட இந்தளவு மைலேஜ் தர கூடிய கார்கள் இந்தியாவில் இருக்கா!
- 1 hr ago
2021 ஃபோக்ஸ்வேகேன் போலோ கார் உலக அளவில் அறிமுகம்!
- 2 hrs ago
உலகளவில் ஃபேமஸான சுஸுகி ஹயபுஸா பைக் இந்தியா கொண்டுவரப்படுகிறது!! வருகிற 26ஆம் தேதி அறிமுகம்
- 3 hrs ago
மின்சார ஸ்கூட்டர் விற்பனையில் புதிய மைல்கல்லை கடந்தது டிவிஎஸ்!! இ-ஸ்கூட்டர்களுக்கு தேவை அதிகரிக்கிறதா?
Don't Miss!
- Sports
எங்களுக்கு அந்த ஒரு விஷயம் தான் வேணும். புலம்பும் இளம் கேப்டன்.. ராஜஸ்தான் அணியில் என்னதான் பிரச்னை
- News
டக்குனு போனை போட்ட சசிகலா.. தினகரனின் பிளானை நிறுத்தி "வார்னிங்".. பரபரக்கும் அமமுக
- Education
கோவையிலேயே மத்திய அரசு வேலை வேண்டுமா? அழைக்கும் ICAR நிறுவனம்!
- Finance
ஊழியர்களை உற்சாகபடுத்தும் முகேஷ் அம்பானி.. ஊழியர்களுக்கும், குடும்பத்தினருக்கும் தடுப்பூசி..!
- Lifestyle
கொரோனா சோதனை முடிவு நெகட்டிவாக வந்தாலும் இந்த அறிகுறிகள் இருந்தால் உங்களுக்கு ஆபத்துத்தானாம்...!
- Movies
பிரமாண்டமா கொண்டாடல.. ஸ்பெஷல் சபதமும் இல்ல.. காதலியை கரம்பிடித்த கையோடு மனம் திறந்த விஷ்ணு விஷால்!
- Technology
ஒன்பிளஸ் நோர்ட் முன்பதிவு செய்து அமேசான் வழியாக கூடுதல் நன்மையைப் பெறுவது எப்படி?
- Travel
வோக்கா சுற்றுலா - ஈர்க்கும் இடங்கள், செய்யவேண்டியவை மற்றும் எப்படி அடைவது
கார் ஏசி சிஸ்டத்தை இயக்கும்போது மனதில் வைக்க வேண்டிய விஷயங்கள்!
கோடைகாலம் என்றில்லை, எல்லா காலத்திலும் காரில் ஏசி சிஸ்டத்தின் பயன்பாடு இன்றைக்கு இன்றியமையாத ஒன்றாக இருக்கிறது. கார் ஏசி சிஸ்டத்தை முறையாக கையாண்டால், பிரச்னைகள் இல்லாத சுகமான பயணத்திற்கு வழி வகுக்கும்.
கார் ஏசி சிஸ்டத்தை முறையாக கையாள்வதன் மூலமாக பல அனுகூலங்களை பெற முடியும். எந்தெந்த நேரத்தில் கார் ஏசியை எவ்வாறு இயக்குவது குறித்த சில வழிகாட்டு முறைகளை இந்த செய்தித் தொகுப்பில் காணலாம்.

கோடை நேரத்தில் பூட்டியிருக்கும் காரின் கேபினுக்குள் அதிக வெப்பக் காற்று தங்கியிருக்கும். எனவே, காரின் கதவுகளை சில நிமிடங்களில் திறந்து வைத்துவிட்டு, சூடான காற்று வெளியேறியவுடன் ஏசியை ஆன் செய்யவும். ஜன்னல்களும் சிறிது நேரம் திறந்து வைத்திருப்பதும் நலம்தான்.

அதேபோன்று, கார் ஏசியை ஆன் செய்துவிட்டாலும், கதவு ஜன்னலை சிறிதளவு இடைவெளி விட்டு திறந்து வைப்பதன் மூலமாக காருக்குள் இருக்கும் சூடான காற்று வெளியேற உதவும். மேலும், வைசர் பொருத்தியிருந்தால், மழை நேரங்களில் கூட இதுபோன்று ஜன்னல்களை திறந்து வைத்து செல்ல முடியும். இதனால், கார் விண்ட்ஷீல்டில் வெண் படலம் படர்வதை தவிர்க்க உதவும்.

காரை ஸ்டார்ட் செய்து ஏசியை ஆன் செய்தவுடனே ஏசி சுவிட்சுக்கு அருகில் இருக்கும் கேபின் காற்றை மறுசுழற்சி செய்து தரும் பட்டனை ஆஃப் செய்துவிடவும். இதனால், கேபினில் உள்ள சூடான காற்று, பிளாஸ்டிக் பாகங்களால் வரும் நெடி மற்றும் நச்சுக் காற்றை ஏசி மூலமாக வெளியேற்ற முடியும். சிறிது நேரம் கழித்து காற்று மறுசுழற்சி பட்டனை ஆன் செய்யவும்.

இதேபோன்று, வெளிப்புறத்திலிருந்து கெட்ட வாடை காருக்குள் வருவதை தவிர்க்க, மறுசுழற்சி செய்யும் வசதியை ஆனில் வைத்தே செல்ல வேண்டும். பெரும்பாலும் இந்த காற்று மறுசுழற்சி மோடில் வைத்தே ஏசியை இயக்குவது அவசியம்.

மேனுவல் ஏசி காராக இருந்தால், ஏசி மெஷினை ஆன் செய்தவுடன் விசிறியின் வேகத்தை அதிகமாக வைக்கவும். அதேவேளையில், க்ளைமேட் கன்ட்ரோல் ஏசி வசதி இருந்தால் ஆரம்பத்தில் ஃபேன் வேகத்தை குறைவாக வைப்பது நல்லது. பின்னர், ஃபேன் வேகத்தை அட்ஜெஸ்ட் செய்து கொள்ளவும்.

மழைநேரத்தில் காரின் முன்புற கண்ணாடியில் வெண் படலம் படருவதை தவிர்க்க ஏசி சிஸ்டத்தின் டீ-மிஸ்ட் மோடில் வைத்துக் கொள்ளுங்கள். பூதாகரமாக நினைத்துக் கொள்ள வேண்டாம். காற்று மேலே செல்வது போல அம்புகுறியிடப்பட்டு கடைசி ஆப்ஷனாக இருக்கும்.

அதாவது, ஏசி மெஷினிலிருந்து உலர் காற்று விண்ட்ஷில்டின் உட்புறத்தில் பீய்ச்சி அடிக்கும். வெளிப்புறத்தைவிட உட்புறத்தில் குளிர்ச்சி அதிகமாக இருக்கும்போது விண்ட்ஷீல்டில் வெண் படலம் சீக்கிரம் போகாது. அப்போது, ஹீட்டர் மோடிற்கு ஏசி சிஸ்டத்தை மாற்றிக் கொள்வதுடன், விசிறியின் வேகத்தை அதிகபட்சமாக வைத்தால் உடனடியாக மறைந்துபோகும். மேலும், ஏசி.,யின் குளிர்ச்சியான மோடில் வைத்து இயக்கினால் வெண்படலம் மறையும். ஆனால், சற்று நேரமெடுத்துக் கொள்ளும்.

ஆனால், அதிக வெப்பத்தில் தொடர்ந்து வைக்க வேண்டாம். வெண்படலம் மறைந்த பின்னர், உடனடியாக விசிறியின் வேகத்தை இரண்டாவது பாயிண்டிற்கு கொண்டு வந்துவிடுங்கள். இதன்மூலமாக, மிதமான வெப்பத்தில் சிறப்பான பயணத்தை அனுபவிக்க முடியும்.

கார் ஏசி சிறப்பாக இயங்குவதற்கு சிறந்த பராமரிப்பும் அவசியம். ஏசி கம்ப்ரெஷர், ஏசி மெஷினில் கேஸ் எந்தளவு உள்ளது என்பதை அவ்வப்போது சோதித்து விடுங்கள். மேலும், ஏசியை சுத்தம் செய்வதும் அவசியம். பூஞ்சைகள், பாக்டீரியா போன்றவை அங்கே குடியேறாமல் பார்த்துக் கொள்வதும் நல்லது.