பெட்ரோலுக்கு காசை வேஸ்ட் பண்ணாதீங்க! CNG Vs LPG இந்த ரெண்டுல எது மாட்டுனா அதிக லாபம்ன்னு பாருங்க!

இந்தியாவில், வாகனங்களுக்கான கம்பிரஸ்டு இயற்கை எரிவாயு (CNG) மற்றும் திரவமாக்கப்பட்ட பெட்ரோலிய வாயு (LPG) ஆகியவற்றுக்கு இடையே எதை தேர்வு செய்வது என்ற குழப்பம் பலருக்கும் இருக்கிறது. இரண்டு எரிபொருட்களும் வெவ்வேறு நன்மைகள் மற்றும் வெவ்வேறு விதமான செலவுகளை கொண்டுள்ளன. இவற்றைப் புரிந்துகொள்வது மூலம் நுகர்வோர் தெளிவான முடிவுகளை எடுக்க உதவும். இங்கே நாம் சிஎன்ஜி மற்றும் எல்பிஜி ஆகிய எரிபொருளை தேர்வு செய்யும் கவனிக்கவேண்டிய விஷயங்கள் இரண்டிற்கும் இடையேயான செலவு வித்தியாசங்கள் குறித்த விரிவான விபரங்களை தான் காணப்போகிறோம்.

எல்பிஜியுடன் ஒப்பிடும்போது சிஎன்ஜி அதன் அதிக பயன்படு கொண்ட எரிபொருளாக அறியப்படுகிறது. சராசரியாக, சிஎன்ஜி வாகனங்கள் சிறந்த மைலேஜ் தருகின்றன. இது சிஎன்ஜியை நீண்ட தூர பயணம் செய்யும் நுகர்வோர்களின் விருப்பமான தேர்வாக மாறுகிறது. ஒரு கிலோ CNG யின் விலை LPG ஐ விட குறைவாக உள்ளது.

CNG தூய்மையான எரிபொருளாகக் கருதப்படுகிறது. எல்பிஜியுடன் ஒப்பிடும்போது இது குறைவான மாசு உமிழ்வை கொண்டுள்ளது. இது சுற்றுச்சூழலுக்கு உகந்த எரிபொருளாக இருக்கிறது. குறைந்த மாசு உமிழ்வு அளவுகள் குறைந்த காற்று மாசுபாட்டிற்கு பங்களிக்கின்றன, காற்று மாசு இந்திய நகரங்களில் குறிப்பிடத்தக்க பிரச்சனையாக உள்ளது.

எல்பிஜியுடன் ஒப்பிடும்போது சிஎன்ஜி நிலையங்களின் இருப்பு குறைவாக உள்ளது. குறிப்பாக கிராமப்புறங்களில் உள்ள CNG பயனர்களுக்கு இது ஒரு பெரிய குறைபாடாக இருக்கலாம். அவர்கள் சிஎன்ஜி நிரப்ப நீண்ட தூரம் பயணிக்க வேண்டிய சூழ்நிலை இருக்கிறது. இருப்பினும், நகர்ப்புறங்களில் சிஎன்ஜி நிலையங்கள் அதிகரித்து வருவதால், நகரவாசிகளுக்கு எளிதாக அணுகக்கூடியதாக உள்ளது.

சிஎன்ஜி அல்லது எல்பிஜியில் இயங்கும் வகையில் வாகனத்தை மாற்றுவது செலவுகளை கணக்கிட வேண்டியதும் அவசியம். CNGக்கான மாற்றுச் செலவு LPGயை விட அதிகமாக உள்ளது. இருப்பினும், எரிபொருள் செலவில் உங்களுக்கு கிடைக்கப்போகும் நீண்ட கால சேமிப்பு இந்த முதற்கட்ட செலவை காலப்போக்கில் ஈடுசெய்யும்.

CNG மற்றும் LPG இரண்டும் பாதுகாப்புக் பிரச்சனைகளைக் கொண்டுள்ளன. CNG டேங்க்கள் உயர் அழுத்தத்தைத் தாங்கும் வகையில் வடிவமைக்கப்பட்டுள்ளன, அவை பயன்படுத்துவதற்குப் பாதுகாப்பானவை. எல்பிஜி, திரவ வடிவில் சேமிக்கப்படுவதால், கசிவைத் தடுக்க கவனமாக கையாள வேண்டும். இரண்டு எரிபொருட்களுக்கும் முறையான பராமரிப்பு மற்றும் வழக்கமான சோதனைகள் அவசியம். இல்லை என்றால் வாகனம் தீ பிடிக்க வாய்ப்புகள் உள்ளன.

இந்திய அரசாங்கம் மானியங்கள் மற்றும் ஊக்கத்தொகைகள் மூலம் CNG போன்ற தூய்மையான சுற்றுசூழலுக்கு மாசு இல்லா எரிபொருட்களின் பயன்பாட்டை ஊக்குவிக்கிறது. இந்தக் கொள்கைகள் மாசுபாட்டைக் குறைப்பதையும் நம் நாட்டிலேயே தயாரிக்கப்படும் எரிபொருளைச் சார்ந்திருப்பதையும் நோக்கமாகக் கொண்டுள்ளன. எல்பிஜிக்கு மேல் சிஎன்ஜியைத் தேர்ந்தெடுக்கும்போது நுகர்வோர் இந்தச் சலுகைகளிலிருந்து பயனடையலாம்.

CNG மற்றும் LPG க்கு இடையே தேர்வு செய்வது செலவு, கிடைக்கும் நன்மை மற்றும் சுற்றுச்சூழல் பாதிப்பு போன்ற பல்வேறு காரணங்களை பொறுத்தது. சிஎன்ஜி சிறந்த மைலேஜ் மற்றும் குறைந்த மாசு உமிழ்வை வழங்குகிறது என்றாலும், அதன் குறைந்த எண்ணிக்கையிலான ஸ்டேஷன்கள் பிரச்சனையாக இருக்கலாம். மறுபுறம், LPG பரந்த நெட்வொர்க்கைக் கொண்டுள்ளது, ஆனால் நீண்ட காலத்திற்கு செலவு குறைந்ததாக இருக்காது. இதில் பாதுகாப்பும் பிரச்சனையாக உள்ளது.

இதனால் நாம் LPGக்கு பதிலாக CNGயை தேர்வு செய்ய வேண்டும் என்றால் நகர்புறங்களில் இருக்க வேண்டும். அப்பொழுது தான் நமக்கு பல்வேறு விதமான நன்மைகள் கிடைக்கும். ஆனால் கிராமங்களில் இருப்பவர்கள் சிஎன்ஜியை தேர்வு செய்ய பல்வேறு சிக்கல்கள் உள்ளன. அதனால் அவர்கள் எல்பிஜியை அதிகம் தேர்வு செய்கிறார்கள்.

டிரைவ்ஸ்பார்க் கருத்து: CNG மற்றும் LPG ஆகிய இரண்டில் எதை தேர்வு செய்யலாம் என நீங்கள் கேட்டால் உங்கள் பகுதியில் எது சுலபமாக கிடைக்கிறது என்பதை பார்த்து முடிவு செய்யுங்கள். உங்கள் பகுதியில் CNG சுலபமாக அருகிலேயே கிடைத்தால் LPG-யை விட CNG தான் சிறந்த தேர்வாக இருக்கும். இல்லை என்றால் LPG-ஐ தவிற வேற வழியே இல்லை.