எப்படா இழிச்சவாயன் வருவான் ஏமாத்தலாம்ன்னு வெயிட் பண்ணுவாங்க! செகண்ட் ஹேண்ட் பைக் வாங்கும் முன் என்ன செய்யனும்?

செகண்ட் ஹேண்ட் பைக்கை வாங்குவது புத்திசாலித்தனமான தேர்வாக இருக்கலாம், ஆனால் வாகனத்தை வாங்கும் முன்பு அதற்கு கவனமாக பரிசீலிக்க வேண்டும். பைக்கின் ஆவணங்களைச் சரிபார்ப்பது முதல் படிகளில் ஒன்றாகும். பதிவுச் சான்றிதழ் (RC) விவரங்களுடன் விற்பனையாளரின் விவரங்களுடன் பொருந்துகிறதா என்பதை உறுதிசெய்து, நிலுவையில் உள்ள கடன்கள் அல்லது ஃபைன் பாக்கிகள் ஏதேனும் உள்ளதா எனச் சரிபார்க்கவும்.

முதலில் பைக்கில் ஏதேனும் சேதம் அல்லது தேய்மானம் உள்ளதா என முழுமையாக ஆய்வு செய்யவும். டயர்கள், பிரேக்குகள் மற்றும் சஸ்பென்ஷன் ஆகியவற்றைப் பாருங்கள். வாகனத்தில் எண்ணெய் கசிவுகள் ஏதேனும் உள்ளதா என சரிபார்த்து, அனைத்து லைட்டுகள் மற்றும் எலெக்ட்ரிக் பாகங்கள் சரியாக செயல்படுவதை உறுதி செய்யவும். பைக்கின் செயல்திறனை மதிப்பிடுவதற்கு ஒரு டெஸ்ட் டிரைவ் முக்கியமானது.

விற்பனையாளரிடமிருந்து சர்வீஸ் ஹிஸ்டரியை கேட்டு பெற வேண்டும். சரியான காலத்திலான பராமரிப்பு என்ட்ரிகள் உள்ள பைக் நன்கு பராமரிக்கப்பட்டதாகக் அர்த்தம் கொள்ள முடியும். ஏதேனும் பெரிய பழுது ஏற்பட்டுள்ளதா மற்றும் ஒரிஜினல் பாகங்கள் பயன்படுத்தப்பட்டதா என சரிபார்க்கவும். சிலநேரங்களில் ஓரிஜினல் பாகங்கள் மாற்றப்பட்டிருக்கலாம்.

ஓடோமீட்டர் ரீடிங்கில் பைக் எவ்வளவு தூரம் ஓட்டி பயன்படுத்தப்பட்டது என்பது பற்றி தெரிந்து கொள்ள வேண்டும். இதை வைத்து பைக்கின் வயதை ஒப்பிட வேண்டும், இது சராசரியாக ஒரு மாதத்திற்கான பயன்பாட்டு அளவுகளுடன் ஒத்துப்போகிறதா என்பதைப் பார்க்க வேண்டும். பைக்கின் உண்மையான நிலை குறித்து மறைக்க வாங்குபவர்களை தவறாக வழிநடத்தும் நோக்கில் ஓடோமீட்டரில் உள்ள ரீடிங் மாற்றப்படுகின்றன. இது குறித்தும் எச்சரிக்கையாக இருங்கள்.

நீங்கள் வாகனத்தை வாங்குவதை இறுதி செய்வதற்கு முன் அனைத்து ஆவணங்களும் ஒழுங்காக இருப்பதை உறுதி செய்யவும். இதில் காப்பீட்டு ஆவணங்கள், மாசு கட்டுப்பாட்டின் கீழ் (PUC) சான்றிதழ் மற்றும் சாலை வரி ரசீதுகள் ஆகியவற்றை சரி பார்க்க வேண்டும். எதிர்காலத்தில் ஏற்படும் சிக்கல்களைத் தவிர்க்க வாகனத்தின் உரிமையை மாற்றுவதை வாகனம் வாங்கிய பின்பு சட்டப்பூர்வமாக செய்யப்பட வேண்டும்.

வாகனம் வாங்கம் முன் நீங்கள் நியாயமான விலையில் வாகனத்தை பெறுகிறீர்கள் என்பதை உறுதிப்படுத்த, ஒத்த பைக்குகளின் சந்தை மதிப்பை ஆராயுங்கள். சோதனையின் போது காணப்படும் ஏதேனும் சிக்கல்களை கண்டறிந்தால் அதை வைத்து குறைந்த விலையில் பேரம் பேசுவதற்கு உரிய நபர்களை உங்கள் பக்கம் வைத்திருக்க வேண்டும். குறைந்த விலையில் வாகனம் வாங்கிய பின்னர் பின்னர் பழுதுபார்ப்பதற்காக அதிக பணம் செலவழிக்கக்கூடும் என்பதையும் நினைவில் கொள்ளுங்கள்.

உங்கள் மதிப்பீட்டுத் திறன் மீது உங்களுக்கு நம்பிக்கை இல்லை என்றால், பைக்கை ஆய்வு செய்ய ஒரு தொழில்முறை மெக்கானிக்கை உடன் அழைத்து செல்லலாம். பைக்கின் நிலை மற்றும் எதிர்கால செலவுகள் குறித்து அவர்களால் ஒரு பக்கச்சார்பற்ற கருத்தை வழங்க முடியும். இந்த சோதனைகளை முடித்த பிறகு, பைக்கை வாங்குவது பற்றி முடிவை எடுக்கலாம். எதிர்பாராத செலவுகள் அல்லது சிக்கல்கள் இல்லாமல் நம்பகமான வாகனத்தைப் பெறுவதை உறுதிசெய்ய வேண்டும்.

செகண்ட் ஹேண்டில் பைக் வாங்கும் போது இப்படியான சோதனைகளை செய்யாமல் விற்பனை செய்பவர் சொல்லும் சொல்லை மட்டும் நம்பி நீங்கள் பைக்கை வாங்கினால் உங்களுக்கு எதிர்காலத்தில் அந்த பைக்கில் இருக்கும் பிரச்சனைகளால் அதிக செலவு ஏற்படலாம். அல்லது நீங்கள் மார்கெட் விலையை விட அதிக விலை கொடுத்து பைக்கை வாங்ககூடிய சூழ்நிலை ஏற்படலாம்.

செண்ட் ஹேண்டில் பைக் வாங்குவது ஒன்றும் பெரிய பிரச்சனையெல்லாம் இல்லை. உங்களுக்கு லாபத்தை வழங்ககூடிய வழிமுறை தான். ஆனால் இதில் நீங்கள் கவனமாக இல்லாவிட்டால் நீங்கள் பணத்தை இழக்க நேரிடும். வாகனம் வாங்கும் போது கவனமாகவும் தெளிவான தகவல்களுடனும் இருந்தால் நீங்கள் நிச்சயம் பணத்தை மிச்சம் செய்யலாம்.

டிரைவ்ஸ்பார்க் கருத்து: முதன் முறையாக வாகனம் வாங்க நினைக்கும் மக்கள் முதலில் செகண்ட் ஹேண்டில் தான் வாகனம் வாங்க நினைப்பார்கள் குறிப்பாக டூவீலர்கள் ஓட்டி படிக்க நினைக்கும் மக்கள் இந்த வழியை தேர்வு செய்வார்கள். அவர்களுக்கு நிச்சயம் மேலே உள்ள டிப்ஸ்களை ஃபாலோ செய்தால் நிச்சயம் உங்களுக்கு லாபம் கிடைக்கும்.