தோதான விலையில் கிடைக்கும் 'யூஸ்டு' ஹூண்டாய் ஐ10!

டிரைவ் ஸ்பார்க் கேலரி

மிட்சைஸ் கார்கள் மீது ஏற்பட்டுள்ள மோகம், டீசல் கார்களை வாங்கும் மனப்பான்மை ஆகியவை யூஸ்டு மார்க்கெட்டில் ஐ10 அதிகமாக வருவதற்கு முக்கிய காரணம்.

ஸ்டைலான வடிவமைப்பு, அதிக இடவசதியுடன் கூடிய ஐ10 தற்போது எல்லா யூஸ்டு கார் ஷோரூமிலும் அதிகம் காண முடிகிறது. எனவே, சிறந்த சர்வீஸ் வசதி மற்றும் நியாயமான விலை கொண்ட யூஸ்டு கார் ஷோரூமை பார்த்து ஐ10 காரை வாங்கலாம்.

தற்போது 3 ஆண்டுகள் ஓடிய ஐ10 காரை ரூ.3 லட்சத்துக்கும் குறைவான விலையில் வாங்கலாம். பேரம் பேசினால் இன்னும் கூட விலை குறையலாம். எனவே, பட்ஜெட்டுக்கும் ஏற்றதாக இருக்கும். 1.1 லிட்டர் மற்றும் 1.2 லிட்டர் கப்பா ஆகிய இரண்டு எஞ்சின் மாடல்களில் ஐ10 கிடைக்கிறது.

உங்களது பட்ஜெட் மற்றும் பயன்பாட்டை கருத்தில்க்கொண்டு ஐ10 காரை தேர்வு செய்து வாங்கலாம். யூஸ்டு காரின் விலையில் தற்போது 95 சதவீதம் வரை பைனான்ஸ் கிடைக்கிறது. இருப்பினும், முடிந்தவரை அதிக முன்பணம் செலுத்தி கடன் தொகையை குறைத்து கார் வாங்குவது சாலச் சிறந்தது.