பைக் ரைடு போறது பெருசு இல்ல! அதுக்கு முன்னாடி இதெல்லாம் கரெக்டா இருக்கான்னு செக் பண்ணுங்க!

இந்தியாவில் நீண்ட தூரம் பைக் சவாரி மேற்கொள்வதற்கு முழுமையான தயாரிப்பு மற்றும் பாதுகாப்பில் நாம் கவனம் கொள்ள வேண்டும். நாட்டின் பல்வேறு நிலப்பரப்புகள் மற்றும் மாறுபட்ட சாலை நிலைமைகள் பல்வேறு விதமான சவால்களை கொண்டதாக இருக்கிறது. உங்கள் பைக் சிறந்த கண்டிஷனில் இருப்பதை உறுதி செய்வதே இதன் முதல் படி. டயர் பிரஷர், பிரேக்குகள் மற்றும் என்ஜின் ஆயில் அளவுகள் உள்ளிட்ட விஷயங்களில் அவ்வப்போது பராமரிப்பு சோதனைகள் முக்கியமானவை. இது குறித்த விரிவான விபரங்களை காணலாம் வாருங்கள்.

தரமான சவாரிக்கு சாவாரியின் போது அணிந்து செல்லும் ஆக்ஸசரீஸ்களில் முதலீடு செய்வது நல்ல மாற்றத்தை ஏற்படுத்தும். கையுறைகள், முழங்கால் கார்டுகள் மற்றும் சவாரி ஜாக்கெட் ஆகியவை கூடுதல் பாதுகாப்பை வழங்கும், ​​ஹெல்மெட் வழங்கும் பாதுகாப்பு விலை மதிப்பிலாதது. இரவு சவாரிக்கு அதிக ரிஃப்லெக்டிவ் ஆடைகளை அணியலாம். பயணத்தின்போது சிறிய பழுதுகளைக் கையாள, அடிப்படைக் டூல் பெட்டி மற்றும் ஃபியூஸ்கள் மற்றும் பல்புகள் போன்ற உதிரி பாகங்களையும் உடன் எடுத்துச் செல்லுங்கள்.

உங்கள் வழியை முன்கூட்டியே மேப் மூலம் சேமித்துக்கொள்வது எதிர்பாராத மாற்றுப்பாதைகளைத் தவிர்க்க நிச்சயம் உதவும். வழியில் உள்ள பெட்ரோல் பங்கள், ஓய்வு நிறுத்தங்கள் மற்றும் அவசரகால சேவைகளை குறித்து வைத்து கொள்ளுங்கள். ஜிபிஎஸ் பயன்படுத்துவது ரியல் டைம் அப்டேட்களை வழங்குவதோடு நீங்கள் தொலைந்து போகும் அபாயத்தைக் குறைக்கும். உங்கள் பயணத் திட்டங்களைப் பற்றி எப்போதும் நண்பர் அல்லது உறவினர் ஒருவருக்குத் தெரியப்படுத்திக்கொள்ளுங்கள்.

நீண்ட தூர பைக்கிங் உடல் வலிமை மிக அவசியமாகிறது. வழக்கமான உடற்பயிற்சி, முக்கியமாக ஸ்டிரென்த் மற்றும் இருதய உடற்பயிற்சி ஆகியவற்றில் கவனம் செலுத்துவது ரைடிங்கிற்கு நன்மை பயக்கும். சவாரி செய்யும் போது நீர் அதிகம் பருக வேண்டும் மற்றும் நல்ல ஊட்டச்சத்துடன் இருப்பதும் அவசியம். சோர்வைத் தடுக்க ரைடின் போது ஒவ்வொரு இரண்டு மணிநேரமும் ஓய்வெடுக்கவும்.

இந்தியாவின் வானிலை கணிக்க முடியாததாக இருக்கும். உங்கள் பயணத்திற்கு முன் வானிலை அறிவிப்புகளை சரிபார்த்து அதற்கேற்ப பேக் செய்யவும். பருவம் மற்றும் பயணிக்கும் இடங்களை பொறுத்து மழை சாதனங்கள், குளிர் கால உடைகள் அல்லது சன் ஸ்கிரீன் தேவைப்படலாம். அதிக மழை பெய்யும் சூழ்நிலைகளில் ரைடிங் செய்வது ஆபத்தானது, எனவே இதுபோன்ற சூழ்நிலைகளை தவிர்த்து உங்கள் பயணத்தைத் திட்டமிடுங்கள்.

ரைடிங்கின் போது போக்குவரத்து விதிகளை கடைபிடிப்பது மிக முக்கியமானது. பாதுகாப்பான வேகத்தை பராமரிக்கவும் மற்றும் உங்கள் சுற்றுப்புறங்களில் விழிப்புடன் இருக்க வேண்டும். முடிந்தால் இரவில் ரைடு செய்வதைத் தவிர்க்க வேண்டும், ஏனெனில் இரவில் பகலை விட விஷனய குறைவாக இருக்கும் மற்றும் விபத்துகளின் ஆபத்தும் அதிகரிக்கிறது. அவசர காலங்களுக்காக, முதலுதவி பெட்டியை கையில் வைத்திருப்பது நல்லது.

உங்கள் மொபைலை சார்ஜ் செய்து பவர் பேங்கை எடுத்துச் செல்லுங்கள். குறைந்த நெட்வொர்க் கவரேஜ் உள்ள பகுதிகளில், ஜிபிஎஸ் சாதனம் பயனுள்ளதாக இருக்கும். கூடுதல் பாதுகாப்பிற்காக உங்கள் லைவ் லோகேஷனை நம்பகமான நபர்களுடன் பகிரவும். தொலைதூர பகுதிகள் அல்லது காட்டு பகுதிகளில் பயணிக்கும் போது, சேட்டிலைட் போன்கள் உதவியாக இருக்கும்..

கார்டு மூலம் பணம் செலுத்துவது எல்லா இடங்களிலும் சாத்தியமில்லை என்பதால் போதுமான பணத்தை எடுத்துச் செல்லுங்கள். எல்லாவற்றையும் ஒரே நேரத்தில் இழப்பதைத் தவிர்க்க உங்கள் பணத்தை வெவ்வேறு பாக்கெட்டுகளில் வைத்துக்கொள்ளுங்கள். எதிர்பாராத செலவுகளுக்காக அவசர நிதியை வைத்திருப்பது புத்திசாலித்தனம். உங்கள் அடையாளம் அவணம் மற்றும் முக்கியமான ஆவணங்களை பாதுகாப்பாக ஆனால் எளிதில் அணுகக்கூடியதாக வைத்திருங்கள்.

பாதுகாப்பும் தயாரிப்பும் இன்றியமையாதவை என்றாலும், ரைடிங் அனுபவத்தை அனுபவிக்க மறந்து விடாதீர்கள். இந்தியாவின் மாறுபட்ட நிலப்பரப்பு பிரமிக்க வைக்கும் வியூகளையும் தனித்துவமான கலாச்சார சந்திப்புகளையும் வழங்குகிறது. கேமரா மூலம் நினைவுகளைப் படம்பிடியுங்கள், ஆனால் சாலையில் இருந்து உங்களைத் திசைதிருப்ப அனுமதித்து விடாதீர்கள். உங்கள் பயணத்தின் ஒவ்வொரு தருணத்தையும் முழுமையாக உணர நேரம் ஒதுக்குங்கள்.

டிரைவ்ஸ்பார்க் கருத்து: இந்தியவில் ரைடிங் செய்ய ஏகப்பட்ட இடங்கள் இருக்கிறது. இந்த இடத்தில் நீங்கள் ஏராளமான அனுபவங்களை பெறலாம். ஆனால் அதற்கு நீங்கள் தயாராகும் போது சரியாக திட்டமிட வேண்டும். மேலும் ரைடிங்கில் வரும் பிரச்சனைகள முன்பே உணர்ந்து சரியாக அதை எதிர்கொள்ள ஐடியாவுடன் இருந்தால் ரைடிங் போல சொர்க்கம் வேறு இல்லை!