அடிக்குற வெயிலுக்கு இரும்பே உருகிடும் போல! உங்க வண்டிய இந்த நேரத்துல எப்படி பாதுகாக்கனும் தெரியுமா?

கோடை காலத்தில், உங்கள் பைக் எதிர்பாராத விதமாக பழுதடைந்துபோக வாய்ப்புள்ளது. நீங்கள் அடிக்கும் வெளியில் பைக்கில் போகும் போது ரிப்பேர் ஆகி வியர்வையோடு நடுரோட்டில் நிற்க வைக்கும் சூழ்நிலை கூட வரும். இதைத் தடுக்க, வெப்பத்தில் உங்கள் பைக்கை சரியாக பராமரிப்பது மிக முக்கியம். கோடை காலத்தில் மக்கள் தங்கள் உடல்நலத்தை கூடுதல் கவானத்துடன் பார்த்துக்கொள்வது போல, அதிக வெப்பநிலையால் ஏற்படும் சிக்கல்களைத் தவிர்க்க மோட்டார் சைக்கிள்களும் சிறப்பு கவனம் தேவை.

பைக் இன்ஜின்கள் கோடை காலத்தில் மற்ற பருவங்களை விட வெப்பம் அதிகமாக இருக்கும். இன்ஜின் ஆயில் தரமற்றதாக இருந்தால் அல்லது ஆயில் போதுமான அளவு இல்லாவிட்டால், அதிக உராய்வு ஏற்பட்டு, இன்ஜினுக்கு சேதம் ஏற்படலாம். இதனால் பைக் ஓட்டும் போது திடீரென்று நின்றுவிடலாம். எனவே, கோடை காலத்தில் இன்ஜின் ஆயில் நிலையை ரிபார்ப்பது மிகவும் முக்கியம்.

கோடை காலத்தில் டயர்கள் அதிகமாக சூடேறும், இது டயர்களின் நிலையை பாதிக்கும். சரியான காற்று அழுத்தம் இல்லாவிட்டால் இந்த நிலைமை மேலும் மோசமடைந்து, டயருக்கு சேதம் ஏற்பட வாய்ப்புள்ளது. டயர்களை நிலையான அடிப்படையில் சரிபார்த்து, எந்தவொரு கட் அல்லது சிராய்ப்பு இருக்கிறதா என்பதைப் பாருங்கள், தற்செயலான வெடிப்பு ஏற்பட்டு வாகனம் சேதமடைவதை ஏற்படுவதை தடுக்க சரியான காற்று அழுத்தத்தை பராமரிக்கவும்.

கோடை காலத்தில் பேட்டரி வேகமாக சூடாகி, அதன் ஆயுள் குறையலாம். பேட்டரி முனைகள் சுத்தமாக இருப்பதை உறுதிப்படுத்தி, இணைப்புகள் நன்றாக இருப்பதை செக் செய்யுங்கள். பேட்டரியில் ஏதேனும் சிக்கல் இருந்தால், மேலும் சிக்கல்களைத் தவிர்க்க அதை உடனடியாக மாற்றவும். இது கூட உங்கள் வாகனத்தை நடு ரோட்டில் நிற்க வைத்துவிடும்

கோடை காலத்தில் தூசி மற்றும் மண் துகள்கள் ஏர் ஃபில்டரை விரைவாக அடைத்துவிடும். அழுக்கான ஏர் ஃபில்டர் இன்ஜினிற்க்குள் காற்று செல்வதை குறைத்து, இன்ஜினின் செயல்திறனை பாதித்து, இன்ஜின் நிறுத்தப்படும் வாய்ப்பை அதிகரிக்கிறது. ஏர் ஃபில்டரை அடிக்கடி சுத்தம் செய்வது இன்ஜினின் சிறந்த செயல்பாட்டை உறுதி செய்து, பழுதடைவதை தடுக்கிறது.

கோடை காலத்தில் குளிர்காலத்தை விட பிரேக்குகள் அதிக அழுத்தத்திற்கு உட்படும். பிரேக்கில் ஏதேனும் சிக்கல் ஏற்பட்டால் விபத்து ஏற்படும் அபாயம் அதிகரிக்கும். பாதுகாப்பான பிரேக் செயல்பாட்டை உறுதிப்படுத்த பைக்கின் தடங்களை நிலையான அடிப்படையில் சரிபார்த்து, தேவைப்பட்டால் மாற்றவும்.

கோடை காலத்தில் வெளியிலில் வாகனத்தை நிறுத்துவதை தவிர்த்துவிடுங்கள். இதனால் வாகனத்தின் பல பகுதிகள் விரைவில் சேதமாக வாய்ப்புள்ளது. அதே நேரம் வாகனத்தை அவ்வப்போது தண்ணீர் வைத்து சுத்தம் செய்துவிடுங்கள். இதனால் பெரிய பிரச்சனைகள் ஏற்படுவதை முன்னரே தடுக்க முடியும். இதனால் தேவையில்லாத செலவுகளும் குறையும்

டிரைவ்ஸ்பார்க் கருத்து: இந்த பராமரிப்பு குறிப்புகளை பின்பற்றுவதன் மூலம், எதிர்பாராத பழுதுகள் அல்லது விபத்துகள் இல்லாமல், கோடை காலத்தில் உங்கள் மோட்டார் சைக்கிள் சீராக இயங்குவதை உறுதிப்படுத்தலாம். இதனால் இந்த டிப்ஸ்களை பின்பற்றுங்கள். இதனால் பிரச்சனை ஏற்படுதிலிருந்து தப்பித்துக்கொள்ளலாம்.